Մասնագիտական ուսուցումը կարող է ավելի գրավիչ դառնալ
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանն այցելել է Վանաձորի Կ. Ղարաքեշիշյանի անվան թիվ 1 արհեստագործական պետական ուսումնարան: Ուսումնարանը պետական միջոցներով վերանորոգվել է, հագեցվել լաբորատոր սարքավորումներով և անհրաժեշտ գույքով:
Արաքսիա Սվաջյանը «Երեմյան» ընկերությունների խմբի հիմնադիր, գլխավոր տնօրեն Դավիթ Երեմյանի հետ շրջել է տարածքում, ծանոթացել նորացված պայմաններին: Տեղում քննարկվել է՝ որքանով են տարածքն ու առկա լաբորատորիաները հարմարեցված «Խոհարարական գործ» մասնագիտության համար: Կողմերը կարևորել են նշյալ մասնագիտության շրջանակում պետություն-մասնավոր համագործակցության ընդլայնումը՝ կրթական ծրագիրը վերանայելու, դասավանդողներին վերապատրաստելու, ավելի մեծ թվով ուսանողների ներգրավելու հնարավորություններով։
«Մասնագիտական կրթության և ուսուցման մասին» օրենքը նոր կարգավորումներ է սահմանում՝ ուսուցման գործընթացում ներգրավելու գործատուներին, ընդլայնելու համագործակցության շրջանակը՝ այդպիսով գործունեության լայն դաշտ ստեղծելով մեր սովորողների համար: Պետության և մասնավոր հատվածի համատեղ ջանքերով մասնագիտական ուսուցումը կարող է էլ ավելի գրավիչ դառնալ սովորողների շրջանում»,- ասել է Արաքսիա Սվաջյանը:
Հանդիպման ընթացքում քննարկվել են «Երեմյան» ակադեմիայի հետ համագործակցությանն առնչվող այլ հարցեր։
Նշենք, որ Վանաձորի Կ. Ղարաքեշիշյանի անվան թիվ 1 արհեստագործական պետական ուսումնարանում սովորում է 243 ուսանող:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Գերմանիայի աշխատաշուկան՝ կադրերի դեֆիցիտի առաջ
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...