Փարիզը չի մասնակցում Իրանի դեմ ԱՄՆ-ի գործողություններին. Թեհրանում Ֆրանսիայի դեսպանատուն

Թեհրանում Ֆրանսիայի դեսպանատունը հաղորդագրություն է տարածել, որ երկիրը ոչ մի դեպքում չի մասնակցում Իրանի դեմ Միացյալ Նահանգների գործողություններին։ Դեսպանատունը սխալ է որակել Մերձավոր Արևելքի ֆրանսիական բազաներում ամերիկյան սարքավորումների տեղակայման մասին պնդումները։

«Ֆրանսիայի Զատկի ավիաբազայում ընդունվել են ոչ թե մարտական, այլ օպերատիվ աջակցություն ցուցաբերող ամերիկյան ինքնաթիռներ։ Սա ՆԱՏՕ-ի շրջանակներում ստանդարտ պրակտիկա է»,- ասվում է հաղորդագրության մեջ։

Ֆրանսիական կողմն ընդգծել է, որ այս սարքավորումները որևէ կերպ չեն մասնակցում ԱՄՆ-ի կողմից Իրանում իրականացվող գործողություններին, այլ օգտագործվում են բացառապես տարածաշրջանում գործընկերների պաշտպանությանը մասնակցելու համար։ 

«Ֆրանսիան ստացել է այս հարցի վերաբերյալ լիակատար երաշխիքներ»,- նշվում է Ֆրանսիայի դեսպանատան հաղորդագրության մեջ։