Չարենցավանի թիվ 2 հիմնական դպրոցի աշակերտներն այցելել են Մարդու իրավունքների պաշտպանի աշխատակազմ
Մարտի 2-ին Մարդու իրավունքների պաշտպանի աշխատակազմ են այցելել Չարենցավանի թիվ 2 հիմնական դպրոցի աշակերտները: Պաշտպանի աշխատակազմի կոնվենցիոն մանդատների ապահովման վարչության պետ Լիլիթ Աղաջանյանը աշակերտներին ներկայացրել է Մարդու իրավունքների պաշտպանի ինստիտուտի առաքելությունը, լիազորությունների շրջանակը, ինչպես նաև գործունեության հիմնական ուղղություններն ու առաջնահերթությունները, որոնք ներառում են հասարակության տարբեր խմբերի՝ այդ թվում երեխաների իրավունքների պաշտպանությունը։
Մասնավորապես, անդրադարձ է կատարվել երեխաների նկատմամբ բռնության կանխարգելման և արդյունավետ արձագանքման մեխանիզմներին, առցանց հարթակներում անվտանգության ապահովմանը, երեխայի աշխատանքային իրավունքների իրացման առանձնահատկություններին, ինչպես նաև անչափահասների քրեական պատասխանատվության հետ կապված իրավական հարցերին։ Հատուկ ուշադրություն է դարձվել երեխայի լավագույն շահի սկզբունքի ապահովմանը տարբեր իրավիճակներում:
Հանդիպումն անցկացվել է ինտերակտիվ ձևաչափով, որի ընթացքում աշակերտները հնարավորություն են ունեցել բարձրաձայնելու իրենց մտահոգությունները և ստանալու մասնագիտական պարզաբանումներ։
Մարդու իրավունքների պաշտպանի աշխատակազմում ուսումնական հաստատությունների սաների հետ կազմակերպվող ճանաչողական հանդիպումները կրում են շարունակական բնույթ՝ նպատակ ունենալով բարձրացնել երեխաների իրազեկվածությունը և խթանել նրանց ակտիվ մասնակցությունն իրենց իրավունքների պաշտպանության գործընթացում։
Շիրակի մարզի քրեական ոստիկանները թմրամիջոցի ապօրինի շրջանառության դեպքեր են բացահայտել
Իրանական լրատվամիջոցները հայտնում են Մահմուդ Ահմադինեժադի մահվան մասին
Ինչպիսի եղանակ կդիտվի առաջիկա օրերին
Ծովազարդի դպրոցում 14-ամյա տղան հարվածել է համադասարանցու դեմքին՝ կոտրելով քիթը
Իսրայելը ավիահարվածներ է հասցրել Լիբանանի արվարձաններին` թիրախավորելով «Հեզբոլլահի» ղեկավարներին
ԱՄՆ-ի ավիակիրը հարվածից հետո փոխել է իր տեղակայման վայրը. ԻՀՊԿ
Եղանակը հանրապետության տարածքում եւ Երեւանում առաջիկա օրերին
Բարսելոնայում խոսել են Հալանդին ձեռք բերելու պատրաստակամության մասին
Ավշար բնակավայրի մի շարք հասցեներում գազանջատում է սպասվում
Կոսմետիկ միջամտությունների պատճառով ուղտերը որակազրկվել են