Քնելուց առնվազն 3 ժամ առաջ այևս սնունդ չընդունելը կարող է բարելավել սրտանոթային և նյութափոխանակության առողջությունը

Ամերիկացի գիտնականների հետազոտությունները ցույց են տվել, որ քնելուց առնվազն 3 ժամ առաջ այևս սնունդ չընդունելը կարող է բարելավել սրտանոթային և նյութափոխանակության առողջությունը՝ առանց կալորիաների ընդունման նվազեցման: Ուսումնասիրությունը հրապարակվել է «Arteriosclerosis Thrombosis and Vascular Biology» (ATVB) ամսագրում: Ուսումնասիրությանը մասնակցել են 36-ից 75 տարեկան 39 ավելորդ քաշ ունեցող կամ ճարպակալած անձինք, որոնք սրտանոթային հիվանդությունների բարձր ռիսկի խումբ ունեին: Փորձը տևել է 7.5 շաբաթ:

Մասնակիցները բաժանվել են երկու խմբի: Վերահսկիչ խումբը պահպանել է իրենց սովորական սննդակարգը՝ 11-13 ժամ: Միջամտության խումբը երկարացրել է սնունդ չընդունելու ժամանակահատվածը մինչև 13-16 ժամ և պահանջել է, որ նրանք ավարտեն ուտելը քնելուց առնվազն երեք ժամ առաջ: Կալորիաների ընդունումը մնացել է անփոփոխ:  

Փորձի արդյունքների համաձայն՝ քնելուց երեք ժամ առաջ ուտելը դադարեցրած և գիշերվա ընթացքում ոչինչ չկերած մարդկանց մոտ գիշերային արյան ճնշման և սրտի զարկերի բարելավվածություն է նկատվել, ինչպես նաև ցերեկային գլյուկոզայի ավելի լավ վերահսկողություն։

Քնի ընթացքում արյան ճնշումը նվազել է միջինը 3.5%-ով, իսկ սրտի զարկերը՝ 5%-ով։ Ավելի արտահայտված ցիրկադային ռիթմը, երբ սիրտը օրվա ընթացքում ավելի ակտիվ է աշխատում, իսկ գիշերը՝ դանդաղում, համարվում է սրտանոթային առողջության ավելի լավ ցուցանիշ։ Ենթաստամոքսային գեղձն ավելի արդյունավետ է արձագանքում գլյուկոզայի բեռին, ինչը վկայում է ինսուլինի ավելի կայուն արտադրության և ածխաջրերի նյութափոխանակության խանգարումների ռիսկի նվազման մասին։

Հեղինակները շեշտել են, որ մասնակիցների գրեթե 90%-ը խստորեն հետևել է ռեժիմին, ինչը ռազմավարությունը դարձնում է դեղորայքային կանխարգելման մեթոդների պոտենցիալ հարմար և մատչելի այլընտրանք։