«Եվս մի անոմալիա»․ ի՞նչ է հայտնաբերվել Բերմուդյան կղզիների տակ

Բերմուդյան եռանկյունին կղզիների միակ առեղծվածը չէ. այս կղզեխմբի տակ թաքնված է Հյուսիսային Ատլանտիկայի նոր առեղծված՝ այս անգամ ​​զուտ գիտական​։ Ամերիկացի գիտնականները կղզեխմբի տակ հայտնաբերել են երկրաբանական կառուցվածք, որը, նրանց խոսքով, մոլորակի վրա նմանը չունի։

«Սա բացարձակապես ոչ տիպիկ է։ Սովորաբար, մանթիան սկսվում է անմիջապես օվկիանոսային կեղևի տակ», - ասել է ուսումնասիրության գլխավոր հեղինակը։ «Սակայն այստեղ մենք տեսնում ենք հսկայական, հստակ սահմանված «սենդվիչ» այն տեկտոնական թիթեղի ներսում, որի վրա գտնվում են Բերմուդյան կղզիները։ Մենք երբեք նման բան չենք տեսել աշխարհի ոչ մի այլ վայրում»,– նշել է նա։