Արցախցիները նամակով դիմել են Գարեգին Բ-ին՝ խնդրելով քննարկել Արցախի թեմի առաջնորդին փոխելու հարցը
Արցախյան քաղհասարակության ներկայացուցիչների նամակ են ուղղել Ն․Ս․Օ․Տ․Տ․ Գարեգին Բ Ամենայն հայոց կաթողիկոսին։
«Վեհափառ Տեր,
Խիստ մտահոգիչ և անասելի վիրավորական էր բոլորիս համար տեսնել, թե ինչպես է Վրթանես եպիսկոպոս Աբրահամյանը, խախտելով մեր Սուրբ Եկեղեցու օրենքները, փաստացի ըմբոստացել ազգընտիր և օծյալ Ամենայն Հայոց Հայրապետի դեմ, ով մշտապես իր անքակտելի ուշադրության կենտրոնում է պահել ու պահում Արցախ աշխարհի և արցախահայության խնդիրները՝ հանդես գալով մեր իրավունքների պաշտպանության կարևորագույն նախաձեռնություններով, այդ թվում՝ միջազգային բարձր հարթակներում։
Նման քայլը թե՛ իր բովանդակությամբ, թե՛ իրականացման ձևով մեր բոլորի կողմից ընկալվեց ոչ միայն խոնարհում Նիկոլ Փաշինյանի առջև, այլ նաև վերջինիս քայլերի ուղղակի արդարացում, ինչն, իհարկե, առաջացրեց Արցախի մեր ժողովրդի արդարացի զայրույթն ու վստահության կորուստը տվյալ հոգևոր առաջնորդի նկատմամբ։
Առանձնապես ցավալի է, որ մեր հավատավոր ժողովրդի բազում դիմումներին ի պատասխան՝ նա մինչ օրս ոչ միայն չի զղջացել և ներողություն չի հայտնել արցախահայությանը, այլ նույնիսկ խուսափում է սեփական հայրենակիցների ու հավատավոր հոտի հետ հանդիպումներից, չի պատասխանում հեռախոսազանգերին, ցուցաբերում է բացահայտ անհարգալից վերաբերմունք իրեն հանձնված համայնքի նկատմամբ։
Խնդրում ենք Ձերդ Սրբությանն ընդառաջ գալ Արցախի Ձեր հոգևոր զավակների խնդրանքին և մեր ձայնը լսել որպես հավատավոր ժողովրդի իրական զգացմունքների արտահայտություն։
Որդիական խոնարհութեամբ մատչիմք ի համբոյր Ձերդ Սրբութեան Օծեալ Սուրբ Աջոյն`
Ռոման Երիցյան
իրավապաշտպան, փաստաբան
Հայտարարությանը միացած հասարակական կազմակերպություններ
«Արցախի ավագների խորհուրդ» ՀԿ
«Վասն հայրենյաց» ՀԿ
«Արցախ Միություն» ՀԿ
«Արցախի օյամա կիոկուշին կարատե-դո ֆեդերացիա» ՀԿ
«Արցախի մշակույթի և զբոսաշրջության զարգացման գործակալություն» ՀԿ
«Վերածնվող Արցախ» ՀԿ
«Արդարություն և վերադարձ» ՀԿ
«Ավետիս Պուլուզյան» բարեգործական ՀԿ
«Մտքի ուժ» ՀԿ
«Նախնյաց հետքերով» ՀԿ
«Հավասար հնարավորություն» սոցիալական, երիտասարդական ՀԿ
Արցախի «Զինվորի կողքին» ՀԿ
«Արցախյան մշակույթի պահպանման կենտրոն» ՀԿ
«Մայրություն» ՀԿ
«Վերադարձ» կիոկուշին կարատեի ակումբ ՀԿ
«Այսօր հանուն վաղվա» ՀԿ
«Արցախի սպորտի և երիտասարդության զարգացման կենտրոն» ՀԿ
«Արցախի մարտարվեստների ասոցիացիա» ՀԿ
«Արցախի խառը մենամարտերի ֆեդերացիա» ՀԿ
«Արցախի մուայթայի ֆեդերացիա» ՀԿ
Հայտարարությանը միացած հասարակական գործիչներ
Ռուբեն Մելիքյան — Արցախի 2-րդ Մարդու իրավունքների պաշտպան
Արտակ Բեգլարյան — Արցախի 3-րդ Մարդու իրավունքների պաշտպան
Գեղամ Ստեփանյան — Արցախի գործող Մարդու իրավունքների պաշտպան
Նարե Սիմոնյան — հասարակական գործիչ»։
Արվեստանոց՝ սեփական գյուղում
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Խամենեիի գտնվելու վայրը գաղտնի է պահվում՝ անվտանգությունից ելնելով
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին