Ալկոհոլի չարաշահումը թուլացնում է ուղեղի պաշտպանությունը աղիների միջոցով

Գիտնականները պարզել են, որ ալկոհոլի քրոնիկ օգտագործումը թուլացնում է արյունաուղեղային պատնեշը (BBB)՝ արյան և ուղեղի միջև պաշտպանիչ շերտը: Ավելին, այս պատնեշը «կոտրվում» է աղիների միջոցով. ալկոհոլը փոխում է միկրոբիոմի կազմը, ինչը հանգեցնում է BBB-ի խաթարմանը: Ուսումնասիրության արդյունքները հրապարակվել են Communications Biology բժշկագիտական հանդեսում:

Այնուամենայնիվ, հետազոտողները նաև հայտնաբերել են պոտենցիալ պաշտպանիչ մեխանիզմ: Երբ մկներին միաժամանակ տրվել է Faecalibacterium prausnitzii պրոբիոտիկը, պատնեշը ամրապնդվել է, ճանաչողական գործառույթը՝ բարելավվել, իսկ հիշողությունը՝ վերականգնվել՝ ավելի մոտենալով նորմային։

Գիտնականներն ընդգծում են, որ արդյունքները ցույց են տալիս ոչ միայն ալկոհոլի և ուղեղի վնասվածքի միջև կապը, այլև աղիք-ուղեղ առանցքի միջոցով առկա որոշակի մեխանիզմը։ Սա կանխարգելման և բուժման նոր հնարավորություններ է բացում. միկրոբիոմի վրա կենտրոնանալը կարող է լինել ուղեղն ալկոհոլի վնասակար ազդեցությունից պաշտպանելու միջոց։