Արհեստական բանականության զարգացման համար ԵՄ-ն մտադիր է թուլացնել տվյալների պաշտպանության կանոնակարգը՝ Politico
Եվրամիության պաշտոնյաները քննարկում են Համայնքի Տվյալների պաշտպանության ընդհանուր կանոնակարգը (GDPR) պարզեցնելու հնարավորությունը՝ Արհեստական բանականության զարգացումն արագացնելու նպատակով։ Այս մասին հայտնել է եվրոպական Politico պարբերականը՝ հղում կատարելով օրինագծին։
Նրա տվյալներով՝ նախատեսվում են մեղմացումներ իրականացնել ԱԲ ոլորտում աշխատող ընկերությունների համար։ Այս մեղմացումները թույլ կտան նրանց օրինականորեն մշակել տվյալների հատուկ կատեգորիաներ, ինչպիսիք են մարդու կրոնական և քաղաքական համոզմունքները, նրա էթնիկ պատկանելությունը կամ առողջական վիճակի մասին տվյալները։ Այս փոփոխությունները հնարավորություն կտան ընկերություններին ավելի արդյունավետորեն մարզել ԱԲ-ն։
Բացի այդ, Եվրահանձնաժողովը (ԵՀ) նախատեսում է վերանայել տվյալների այն հատուկ կատեգորիաների սահմանումը, որոնք ենթակա են լրացուցիչ պաշտպանության (գաղտնիության կանոններին համապատասխան կերպով)։ Նաև նախատեսում է մտցնել փոփոխություններ, որոնք վերաբերում են «անձնական տվյալներ» հասկացությանը, քանի որ կեղծանուններով տվյալները (անձնական տվյալները պաշտպանելու միջոց, երբ իրական նույնականացուցիչները փոխարինվում են արհեստականներով) միշտ չէ, որ ընկնում են GDPR-ի պաշտպանության տակ։ Նշվում է, որ քուքի ֆայլերի օգտագործման կանոնները կարող են պարզեցվել, ինչը թույլ կտա կայքերին ավելի շատ տեղեկատվություն հավաքել օգտատերերի մասին։
Politico-ի տվյալներով՝ Էստոնիան, Ֆրանսիան, Ավստրիան և Սլովենիան դեմ են արտահայտվել GDPR փոփոխությանը։ Սակայն Գերմանիան կողմ է վերանայմանը։ Եվրահանձնաժողովը, ինչպես սպասվում է, փաստաթուղթը կներկայացնի նոյեմբերի 19-ին, սակայն մինչ այդ կարող են փոփոխություններ կատարվել։
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Բալիում սկանդալային պոռնոաստղին սպառնում է մինչև 15 տարվա ազատազրկում
Հայտնաբերվել է 1-ին տիպի շաքարախտի ամենավաղ ախտանիշը
Հայրն իր կյանքի գնով փրկել է խեղդվող որդուն
Ինչ են զրուցել ԱԱԾ մեկուսարանում Աղազարյանն ու Սրբազանները. «Իրավունք»
Շարլիզ Թերոնը 50 տարեկանում 25 տարեկանի տեսք ունի. Հոլիվուդյան աստղի կատարյալ մաշկի գաղտնիքը
Ռուսաստանում կործանվել է աշխարհի ամենամեծ տուրբապտուտակավոր օդանավը
Ռուս փորձագետը Հայաստանին կոչ է արել Ադրբեջանից նավթամթերք ներկրելիս ամեն ինչ ուշադիր ուսումնասիրել
Ովքեր են «դուրս մնալու» ՔՊ ցուցակից
Երևանի Ռուբինյանց փողոցում բախվել են «Tesla»-ն ու «Dodge»-ը