Ինչ են պատմում աչքերը սրտանոթային հիվանդությունների վտանգի և ծերացման մասին
ՄաքՄասթերի համալսարանի գիտնականների կարծիքով՝ աչքերի փոքրիկ արյան անոթները կարող են սրտանոթային հիվանդությունների և կենսաբանական ծերացման զարգացման ռիսկի կանխատեսման բանալի լինել։ Science Advances ամսագրում հրապարակված ուսումնասիրությունը ենթադրում է, որ ցանցաթաղանթի սկանավորումը մի օր կարող է դառնալ ոչ ինվազիվ միջոց՝ ընդհանուր անոթային առողջությունը և օրգանիզմի կենսաբանական տարիքը գնահատելու համար՝ հնարավորություններ բացելով հիվանդությունների վաղ հայտնաբերման և բուժման համար։
«Ցանցաթաղանթի սկանավորումը, գենետիկական տվյալները և արյան բիոմարկերները համատեղելով՝ մենք բացահայտել ենք մոլեկուլային մեխանիզմներ, որոնք օգնում են բացատրել, թե ինչպես է ծերացումն ազդում անոթային համակարգի վրա,- նշել է ուսումնասիրության ավագ հեղինակ Մարի Պիժերը՝ ըստ Scientific Russia-ի,- Աչքը տալիս է մարմնի շրջանառության համակարգի եզակի, ոչ ինվազիվ պատկեր։ Ցանցաթաղանթի արյան անոթների փոփոխությունները հաճախ արտացոլում են օրգանիզմի փոքր անոթներում տեղի ունեցող փոփոխությունները»։
Ներկայում տարիքային հիվանդությունների, մասնավորապես սրտի հիվանդությունների, կաթվածի և դեմենցիայի, ախտորոշումը պահանջում է բազմակի սկրինինգներ։ Հույս կա, որ ապագայում ցանցաթաղանթի սկանավորումը կօգտագործվի որպես ծերացման և սրտանոթային ռիսկի գնահատման արագ և մատչելի միջոց, բայց առայժմ ամբողջական պատկեր ստանալու համար ավելի խոր կլինիկական գնահատում է անհրաժեշտ։
Ուսումնասիրության մեկ այլ կարևոր կողմ էր արյան բիոմարկերների և գենետիկական տվյալների վերլուծությունը։ Դրա շնորհիվ գիտնականները բացահայտեցին ոչ միայն փոխկապակցվածությունը, այլև աչքի արյան անոթների փոփոխությունների կենսաբանական պատճառները։ Սա օգնեց ծերացում և հիվանդություններ առաջացնող որոշակի սպիտակուցներ բացահայտելուն։
Երկու ամենակարևոր սպիտակուցներն են MMP12-ը և IgG-Fc-ընկալիչ IIb-ն։ Երկուսն էլ կապված են բորբոքման և անոթների ծերացման հետ։ «Այս արդյունքները մատնանշում են դեղամիջոցների պոտենցիալ թիրախներ, որոնք կարող են դանդաղեցնել անոթների ծերացումը, նվազեցնել սրտանոթային հիվանդությունների ռիսկը և, ի վերջո, երկարացնել կյանքի տևողությունը»,- ամփոփել է Փայգերը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...