Թրամփը ՌԴ-ի դեմ ոչ ամենակոշտ պատժամիջոցներն է ընտրել Պուտինի՝ պատերազմը դադարեցնել հրաժարվելուց հետո
ԱՄՆ նախագահ Դոնալդ Թրամփին Ռուսաստանի դեմ պատժամիջոցների երեք տարբերակ է առաջարկվել, որոնցից նա ընտրել է միջին տարբերակը, The Wall Street Journal-ին (WSJ) հայտնել են տեղեկացված աղբյուրները։ Դրանց համաձայն՝ ամենակոշտ տարբերակն ուղղված է եղել ռուսական արդյունաբերությանը եւ բարձրաստիճան ղեկավարությանը, միջին տարբերակը՝ Ռուսաստանի էներգետիկ ոլորտին, իսկ ամենամեղմը ներառել է «սահմանափակ միջոցառումներ»։ Ի վերջո, Թրամփը պատժամիջոցներ է կիրառել Ռուսաստանի երկու խոշորագույն նավթային ընկերությունների՝ «Ռոսնեֆտի» եւ «Լուկօյլի», ինչպես նաեւ դրանց դուստր ձեռնարկությունների դեմ։
WSJ-ն հաղորդել է, որ Սպիտակ տան որոշման վրա ազդել են Ուկրաինային Ռուսաստանի հասցրած հարվածները, որոնք հաջորդել են նրա «լավ» հեռախոսազրույցներին Ռուսաստանի նախագահ Վլադիմիր Պուտինի հետ։ Պարբերականի աղբյուրների համաձայն՝ Թրամփի համբերությունը սպառվել է, երբ նա եզրակացրել է, որ Պուտինը ժամանակ է ձգձգում։ Ինչպես նշել է CNN-ը, նախագահական վարչակազմում հնարավոր պատժամիջոցների վերաբերյալ քննարկումները տեւել են ամիսներ, բայց Թրամփն ինքը մինչեւ վերջ տատանվել է դրանք իրականացնելու հարցում։ Սպիտակ տան ղեկավարը վախենում էր նման միջոցառումների բացասական ազդեցությունից Պուտինի հետ հնարավոր բանակցությունների վրա։ Սակայն, Բուդապեշտում Ռուսաստանի նախագահի հետ հանդիպումը չեղարկելուց հետո, CNN-ի աղբյուրների փոխանցմամբ, Թրամփը խորհրդականներին ասել է, որ իր «բնազդները» իրեն հուշել են, որ ժամանակն է Մոսկվայի հետ հարաբերություններում այլ ուղղությամբ շարժվել։
Մեկնաբանելով նոր պատժամիջոցները՝ Պուտինը նշել է, որ դրանք «որոշակի հետեւանքներ» կունենան Ռուսաստանի համար, բայց էականորեն չեն ազդի մեր տնտեսական բարեկեցության վրա: Նա պնդել է, որ նման «անբարյացակամ» քայլը «չի ամրապնդում ռուս-ամերիկյան հարաբերությունները» եւ նախատեսված է քաղաքական ճնշում գործադրելու համար: «Ինքնահարգանք ունեցող ոչ մի երկիր կամ ինքնահարգանք ունեցող մարդ երբեք որեւէ բան չի որոշում ճնշման տակ»,- ընդգծել է Պուտինը:
Այնուհետեւ Թրամփը նշել է, որ իր սահմանած պատժամիջոցների ազդեցությունը տեսանելի կլինի վեց ամսից: Սպիտակ տան մամուլի քարտուղար Քերոլայն Լիվիթը հայտարարել է, որ սահմանափակումները «բավական լուրջ են»: Վաշինգտոնն ակնկալում է, որ դրանք ճնշում կգործադրեն Ռուսաստանի վրա եւ տնտեսական վնաս կպատճառեն, եզրափակել է Լիվիթը:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Հանրությանը մոլորեցնելու նպատակ ունեցող ապատեղեկատվություն