Եվրոպան կհատուցի Լապշինի իրավունքների խախտման հանդեպ անտարբերության համար
Բլոգեր Ալեքսանդր Լապշինը դարձել է վհուկորսի զոհը։ Այս մասին հայտնել է ԼՂՀ նախագահի մամուլի քարտուղար Դավիթ Բաբայանը, NEWS.am-ի թղթակցի խնդրանքով մեկնաբանելով ԼՂՀ-ն տեղեկատվական շրջափակման մեջ պահելու՝ Ադրբեջանի փորձերը ու եվրոպական կառույցների վերաբերմունքը այդ փորձերին։
«Լապշինի կալանավորման ու արտահանձնման ամբողջ գործընթացը իրականացվում էր միջազգային իրավունքի կոպտագույն խախտումներով։ Իսկ եվրոպական կառույցները փակում են աչքերը այդ ամենի վրա։ Ցավոք, կոռուպցիան ներթափանցել է շատ կառույցներ։ Նման անտարբերությունը ոչ մի լավ բանի չի բերի։ Այսօր դա Ադրբեջանի ապօրինի գործողություններն են մի մարդու հանդեպ, վաղը կարող է մեկ այլ հարց լինել։ Վերաձեւակերպելով ռուսական ասացվածքը ՝ կարելի է իրավիճակը այսպես բնութագրել «Միայն հացով ու խավիարով չի մարդն ապրում»։ Եվրոպան լավ կաներ՝ չմոռանար սկզբունքների մասին»,- հիշեցրել է Դավիթ Բաբայանը։
Նրա խոսքով Ադրբեջանն, ըստ երեւույթին, ստիպված է եղել շատ ջանքեր գործադրել, որպեսզի հասնի Լապշինի արտահանձնմանը։ «Մինչդեռ, Լուկաշենկոն անձամբ էր եկել շնորհավորելու Մանկական Եվրատեսիլի հաղթող (2010 թ-խմբ․)Վովա Արզումանյանին՝ իմանալով, որ նա Լեռնային Ղարաբաղից է»,- նկատեց ԼՂՀ նախագահի մամուլի քարտուղարը։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Գայի պողոտայում գտնվող առևտրի կենտրոններից մեկում հրդեհ է բռնկվել