ԱՄՆ-ն խորհրդակցություններ կանցկացնի Եվրոպայի հետ՝ նախքան Թրամփ-Պուտին հանդիպումը

«Ամերիկյան կողմը խոստացել է, որ Ալյասկայում կայանալիք հանդիպումից առաջ կխորհրդակցի եվրոպացի գործընկերների հետ իր դիրքորոշման վերաբերյալ: Ես կսպասեմ նախագահներ Թրամփի և Պուտինի հանդիպման արդյունքներին. ես շատ մտավախություններ և շատ հույսեր ունեմ», - մամուլի ասուլիսում ասել է Դոնալդ Տուսկը (մեջբերել է Reuters-ը): 

Վլադիմիր Պուտինը և Դոնալդ Թրամփը բանակցություններ կանցկացնեն օգոստոսի 15-ին Ալյասկայում: Առաջնորդները կքննարկեն Ուկրաինայի հակամարտության կարգավորման տարբերակները: Bloomberg-ը գրել է ԵՄ առաջնորդների ցանկության մասին՝ բանակցություններ վարել Դոնալդ Թրամփի հետ՝ նախքան նրա ռուս գործընկերոջ հետ հանդիպումը: