Հեռախոսազրույցը նախաձեռնել էր Թրամփը. նա ցանկանում էր մի քանի հարց քննարկել Պուտինի հետ Զելենսկու հետ հանդիպումից առաջ. Ուշակով

Զրույցը տևել է մեկ ժամ 15 րոպե և եղել է բարեկամական, սրտառուչ և գործնական, ՌԴ նախագահի օգնական Յուրի Ուշակովը բացահայտել է Պուտինի և Թրամփի հեռախոսազրույցի մանրամասները։

«Պուտինը Թրամփին ներկայացրեց Անքորիջում և երկկողմ շփումների ընթացքում ձեռք բերված համաձայնությունների վրա հույսը դնելու հիմնարար կարևորությունը։
Նախագահներն ունեն նույն տեսակետը, որ հանրաքվեի պատրվակով ժամանակավոր հրադադարը միայն կերկարաձգի հակամարտությունը։ Թրամփը նշեց, որ համոզված է Ռուսաստանի հանձնառության մեջ՝ իրավիճակի քաղաքական և դիվանագիտական ​​կարգավորման հարցում։ Հենց սա հաշվի առնելով է նա մտադիր կառուցել Զելենսկու հետ  բանակցությունները»,- հայտնել է Ուշակովը։

Նա նշել է, որ Պուտինը համաձայնել է ամերիկացի առաջնորդի առաջարկին՝ շարունակել աշխատանքը կարգավորման վրա 2 հատուկ ստեղծված աշխատանքային խմբի շրջանակներում՝ մեկը՝ անվտանգության, մյուսը՝ տնտեսական հարցերով։ Մարտական ​​գործողությունները վերջնականապես դադարեցնելու համար Կիևին անհրաժեշտ է քաղաքական լուծում Դոնբասի հարցում։ Առաջնորդները համաձայնել են բանակցել Թրամփի և Զելենսկու շփումներից հետո։