Պլաստիկը սպառնում է Միջերկրական ծովի կենսաբազմազանությանը

«Միջերկրածովյան միությունը (Union for the Mediterranean – UfM)՝ Եվրոպայի, Միջին Արևելքի և Հյուսիսային Աֆրիկայի 43 երկրներ միավորող կառավարությունների միջկառավարական կազմակերպությունը, իր կենտրոնական գրասենյակից՝ Բարսելոնայից, շրջակա միջավայրի համաշխարհային օրվա առթիվ հանդես է եկել լրջագույն նախազգուշացմամբ.

Եթե աղբի կառավարման համակարգը արմատապես չբարելավվի, ապա 25 տարի անց Միջերկրական ծովում պլաստիկի քանակը կարող է գերազանցել ձկների քանակին։

Փաստեր և վտանգներ

Միջերկրական ծովը համարվում է աշխարհում պլաստիկով ամենաշատ աղտոտված ծովային գոտիներից մեկը։

Չնայած այն կազմում է Համաշխարհային օվկիանոսի տարածքի 1%-ից պակաս, այստեղ կուտակված է աշխարհի միկրոպլաստիկի շուրջ 7%-ը։

Աղտոտման հիմնական աղբյուրներն են՝

Անբավարար կառավարվող աղբի հոսքերը ափամերձ բնակավայրերից,

Զբոսաշրջությունը և նավագնացությունը,

Չմաքրված կոյուղաջրերի արտահոսքը։

Կազմակերպության կոչը

Միջերկրածովյան միությունը կոչ է անում․

Աղբի կառավարման համակարգերի արմատական բարելավում,

Շրջանաձև տնտեսության սկզբունքների ներդնում,

Բնակչության և բիզնեսի բնապահպանական իրազեկվածության բարձրացում,

Միջազգային համագործակցության խթանում՝ ծովային միջավայրի պահպանման ուղղությամբ»։