«Հայաստանի վարչապետի կողմից Հայաստանյայց Առաքելական սուրբ եկեղեցու, դրա ղեկավար կազմի նկատմամբ հարձակումներիֆոնին «Քաղաքացիական պայմանագրի» (ՔՊ) պատգամավոր Հայկ Ցիրունյանը ֆեյսբուքյան իր էջում լուսանկար է տեղադրել օտարերկրացի մի հոգևորականի հետ, վերջինիս ներկայացրել որպես Ռումինիայի ուղղափառ եկեղեցու պատրիարք Նորին Երանելիություն Դանիել։
Հայ Առաքելական եկեղեցու ներքին գործերում վճռորոշ ձայն պահանջող ՔՊ-ի ներկայացուցիչը, սակայն, պարզվում է՝ ոչ միայն հոգևորականներին է շփոթել, այլև եկեղեցիները՝ բարձրաստիճան կաթոլիկ հոգևորականին ներկայացնելով որպես ուղղափառ։
Ամենապարզ որոնումները ցույց են տալիս, որ Հայկ Ցիրունյանի հետ լուսանկարում պատկերված անձը ոչ թե Դանիել Պատրիարքն է, այլ Բուխարեստի կաթոլիկ արքեպիսկոպոսության արքեպիսկոպոս Աուրել Պերքան։ Վերջինս, սակայն, ոչ թե ուղղափառ, այլ կաթոլիկ եկեղեցու ներկայացուցիչ է ու եկեղեցական այդ դիրքում նշանակվել է Հռոմի պապի կողմից 2019-ին։
Որ ՔՊ-ական պատգամավորի հետ լուսանկարված եկեղեցականը ոչ թե ուղղափառ, այլ կաթոլիկ եկեղեցու ներկայացուցիչ է, կարելի է հասկանալ նաև հանդերձանքից և արքեպիսկոպոս Աուրել Պերքայի ցուկետտոյից։ Ռումինիայում բնկաչության 73-74 տոկոսը ուղղափառ եկեղեցու հետևորդ է, կաթոլիկները այնտեղ փոքրամասնություն են (5-6 տոկոս), և ստացվում է, որ իշխանական պատգամավորը լուսանկարվել է Ռումինիայում կրոնական փոքրամասնության բարձրաստիճան հոգևորականի հետ։
Արքեպիսկոպոս Աուրել Պերքան, ի դեպ, 2023-ին մասնակցել էր Ռումինիայի Հայոց թեմում կազմակերպված Լեռնային Ղարաբաղից բռնի տեղահանվածների աջակցության թեմայով մի քննարկման, իր ցավն ու կարեկցանքը հայտնել արցախցիներին։
Դանիել Պատրիարքը, որի անունը հիշատակում է Ցիրունյանը, բայց որը բացակա է այդ լուսանկարում, ռումինական ուղղափառ եկեղեցու պատրիարք է ընտրվել 2007-ին։ ՔՊ խմբակցության պատգամավորներ Հայկ Ցիրունյանն ու Հրաչյա Հակոբյանն այս օրերին Բուխարեստում մասնակցում են ուղղափառության միջխորհրդարանական գլխավոր վեհաժողովի 32-րդ հերթական նիստի աշխատանքներին։ ՔՊ-ականների գործուղումը կշարունակվի ևս 3 օր»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանական պատվիրակությունը Դոհայում բանակցություններ է վարել Կատարի միջնորդների հետ