ՆԱՏՕ-ն դրական քայլ է համարում Պուտին-Թրամփ բանակցությունները

ՆԱՏՕ-ն Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև զրույցը համարում է դրական քայլ, քանի որ այն «վերականգնեց հաղորդակցությունը», ասել է ՆԱՏՕ-ի գլխավոր քարտուղար Մարկ Ռյուտեն՝ ժամանելով ԵՄ արտաքին գործերի և պաշտպանության նախարարների հանդիպմանը, որին վերջին տարիներին նա միշտ մասնակցել է որպես հրավիրված կողմ։

«Եկեք շնորհակալություն հայտնենք ԱՄՆ-ին այս խնդրի լուծման գործում ունեցած դերի համար: Այս խոսակցությունը շատ դրական քայլ է, որը վերականգնեց ուղիղ հաղորդակցությունը, որը նախկինում չկար: Նաև դրական է, որ Թրամփը անմիջապես հետո զանգահարեց Զելենսկիին», -ասել է Ռյուտեն:

Միաժամանակ, Ռյուտեն հրաժարվել է պատասխանել այն հարցերին, թե ինչու ԱՄՆ նախագահը «ավելի մեծ ճնշում չի գործադրում Ռուսաստանի վրա»։ «Տեսեք, մենք պետք է երախտապարտ լինենք Ամերիկային: Եվ ես չեմ կարող մեկնաբանել ընթացիկ գործընթացի յուրաքանչյուր քայլը», - ասել է Ռյուտեն լրագրողներին:

Պուտինն ու Թրամփը երկուշաբթի հեռախոսազրույց են ունեցել։ Ռուսաստանի ղեկավարի խոսքով՝ երկխոսությունը տեւել է ավելի քան երկու ժամ։ ՌԴ նախագահը բարձր է գնահատել այս զրույցը և այն անվանել կառուցողական։