Ստեղծվել է արհեստական բանականության մոդել, որը կանխատեսում է գենետիկ մուտացիաների հետևանքները

Մոդելը, որը կոչվում է Evo, կարող է կանխատեսել գենետիկական մուտացիաների հետևանքները և առաջացնել ԴՆԹ-ի նոր հաջորդականություններ, թեև ԴՆԹ-ի այս հաջորդականությունները ամբողջովին չեն համընկնում  կենդանի օրգանիզմների ԴՆԹ-ի հետ:

Սակայն ժամանակի և ուսուցման ընթացքում Evo-ն և նմանատիպ մոդելները կարող են օգնել գիտնականներին հասկանալ ԴՆԹ-ի և ՌՆԹ-ի տարբեր հաջորդականությունների գործառույթները և մեղմել հիվանդությունների հետևանքները, գրում են գիտնականները Science ամսագրում հրապարակված իրենց հոդվածում:

Evo-ն արհեստական ​​բանականության (AI) համակարգ է, որը կոչվում է մեծ լեզվական մոդել (LM), որը նման է Openais GPT-4-ին կամ Google-ի Gemini-ին:

Ի տարբերություն ավելի տարածված ծրագրերի,  Evo-ն բառեր չի սովորում: Փոխարենը, այն սովորում է միլիոնավոր մանրէների՝ արխեաների, բակտերիաների և նրանց վարակող վիրուսների գենոմները, բայց ոչ էուկարիոտիկ օրգանիզմներինը, ինչպիսիք են բույսերը և կենդանիները։ Այս գենոմներից յուրաքանչյուր բազային զույգը (հիմնական քիմիական միավորները, որոնք կազմում են ԴՆԹ-ն)  մոդելում գործում է որպես «բառ»:

Այնուհետև Evo-ն համեմատում է բազային զույգերի հաջորդականությունը իր ուսուցման հավաքածուի հետ, որպեսզի կանխատեսի, թե ինչպես է ԴՆԹ-ի շղթան աշխատելու կամ նոր գենետիկ նյութ ստեղծի: