Դելֆինները ժպտում են միմյանց հետ խաղալիս.Iscience

Գիտնականները հայտնաբերել են, որ դելֆինները խաղալիս «ժպտում են»։ Հայտնի է, որ այս կենդանիները շատ չարաճճի են և հաճախ նրանց կարելի է տեսնել ստորջրյա ակրոբատություն անելիս, առարկաների հետ խաղալիս և միմյանց հետևից ընկնելիս:

Սակայն հետազոտողները պարզել են, որ շշաքիթ դելֆինները (Tursiops truncates) ունեն «բերանբաց» արտահայտություն, որը նրանք գործածում են խաղի ժամանակ միմյանց հետ շփվելու համար, որը շատ նման է մարդկանց ժպիտին: Իսկ երբ նրանք ժպտում են իրենց խաղընկերներին, դեպքերի 33%-ում նույն արձագանքն են ստանում:

Հետազոտության արդյունքները հրապարակվել են Iscience հանդեսում։

«Մենք բացահայտեցինք, որ շշաքիթ դելֆիններն ունեն դեմքի հստակ արտահայտություն՝ բաց բերան, և մենք ցույց տվեցինք, որ դելֆիններն ընդունակ են միաժամանակ արտացոլել այլ մարդկանց դեմքի արտահայտությունները: «Բերանբացության ազդանշանները և դեմքի արագ արտահայտությունները բազմիցս հայտնվում են կաթնասունների տոհմածառում, ինչը ենթադրում է, որ տեսողական հաղորդակցությունը ժամանակի ընթացքում բարդ սոցիալական փոխազդեցությունների ձևավորման գործում ոչ միայն դելֆինների, այլև շատ այլ տեսակների մեջ կարևոր դեր է խաղացել»,-պատմում է Պիզայի համալսարանի էվոլյուցիոն կենսաբան դոկտոր Էլիզաբեթ Պալագին:

Իրենց հետազոտության ընթացքում գիտնականներն անազատության մեջ արձանագրել են զույգերով և իրենց մարզիչների հետ խաղացող 22 շշաքիթ դելֆինների: Հետազոտողները վերլուծելով 837 խաղեր ընդգրկող 80 ժամ տևող տեսագրությունները, պարզել են, որ դելֆինները բաց բերան արտահայտություն են օգտագործում միմյանց հետ խաղալիս, բայց ոչ մարդկանց հետ կամ իրենք իրենց հետ խաղալիս:

Գիտնականների թիմը հավելել է, որ դելֆինները 89%-ի դեպքում միաժամանակ օգտագործում են բերանբացության արտահայտությունը, երբ խաղընկերները տեսնում են նրանց դեմքը: