Գիտնականները մեզը խմելու ջրի վերածող սկաֆանդրի նախատիպ են ստեղծել

Գիտնականները ստեղծել են սկաֆանդրի նախատիպ, որը մեզը վերածում է խմելու ջրի:

Տիեզերագնացները երկար ժամանակ են անցկացնում իրենց տիեզերական միջավայրից դուրս՝ զբաղվելով արտատիեզերանավային գործողություններով կամ տարհանումներով:

2021-ից 2023 թվականների ընթացքում բաց տիեզերք դուրս գալու 37 դեպք է եղել կամ գիտական փորձարկումների, կամ Միջազգային տիեզերակայանում վերանորոգման աշխատանքների նպատակով, և դրանք տևել են միջինը 6 ժամ 26 րոպե, ասվում է Կոռնելի համալսարանի գիտնականների ուսումնասիրության մեջ, որը հրապարակվել է Frontiers in Space Technology ամսագրում:

Տիեզերագնացների ինքնազգացողությունը բարելավելու համար հետազոտողները մշակել են սկաֆանդրի մեջ մեզի հավաքման և ֆիլտրման նոր համակարգ կամ «Dune» համակարգը:

Համակարգը կվերամշակի մեզը ուղիղ և հակառակ օսմոսի միջոցով, մոդել, որն օգտագործվում է տիեզերակայանում կեղտաջրերի մաքրման առաջադեմ համակարգում` մեզից աղտոտող նյութերը հեռացնելու և այն խմելու ջրի վերածելու համար: Համակարգի տարրերից մեկը մեզի հավաքման սարքավորումն է, որը տղամարդկանց և կանանց համար նախատեսված տարբեր ձևի սիլիկոնե բաժակ կունենա։

Սարքավորումը բաղկացած կլինի գործվածքների մի քանի շերտից, ներառյալ հակամանրէային ծածկույթը, որն արագորեն մեզը կհեռացնի մարմնից դեպի բաժակի արտաքին մակերեսը, որտեղից այն հնարավոր կլինի պոմպով հանել՝ նվազեցնելով առողջությանը սպառնացող վտանգը, որը կարող է լինել մեզի երկարատև ազդեցության դեպքում:

Բաց տիեզերք դուրս գալը կարող է տևել ավելի քան 8 ժամ։ Ներկայումս տիեզերագնացները այդպիսի երկարատև աշխատանքների ժամանակ կրում են հայտնի սպիտակ, փքուն EVA հանդերձանքը, որը առավելագույն ներծծող հատկությամբ հագուստ ունի:

Այս մեկանգամյա օգտագործման հագուստն, ըստ էության միջադիրի դեր ունի, որը հավաքում և պահում է մեզն ու կղանքը: Դրանք կարող են պարունակել օրական մինչև մեկ լիտր մեզ և 75 գրամ կղանք անձնակազմի յուրաքանչյուր անդամի համար։

Սակայն այս սկաֆանդրները ստեղծվել են ավելի քան 40 տարի առաջ, և ՆԱՍԱ-ն ներկայումս դրանք թարմացնելու կամ փոխարինելու կոնկրետ պլաններ չունի: Հունիսին տիեզերական գործակալությունը հայտարարեց, որ խզում է հաջորդ սերնդի սկաֆանդրներ ստեղծելու ավելի քան 100 միլիարդ դոլար արժողությամբ պայմանագիրը Collins Aerospace-ի հետ, թեև առնվազն երկու այլ ամերիկյան ընկերություն ներկայումս աշխատում է բաց տիեզերք դուրս գալու հանդերձանքների ստեղծման ուղղությամբ, և NASA-ն կարող է լրացուցիչ կապալառուներ ներգրավել, հաստատել է տիեզերական գործակալությունը CNN-ին տված հարցազրույցում։