Սրտի խնայող դեֆիբրիլացիա. մշակվել է սրտի ռիթմի խանգարումների բուժման ավելի մեղմ մեթոդ
Որպես էլեկտրական դեֆիբրիլյացիայի մոդել, լուսային ազդակն օգտագործելով՝ Գյոթինգենի գիտնականները սրտի հասանելիության և դրա աշխատանքը կարգավորելու մեթոդ են մշակել: Այսկերպ Մաքս Պլանկի դինամիկայի և ինքնակազմակերպման ինստիտուտի (MPI-DS) և Գյոթինգենի համալսարանի բժշկական կենտրոնի հետազոտական թիմը ճանապարհ է հարթել սրտի ռիթմի խանգարումների արդյունավետ և անմիջական բուժման համար: Սա կարող է այլընտրանք լինել ներկայումս օգտագործվող ուժեղ և ցավոտ էլեկտրական հոսանքով ցնցմանը:
Սրտի ռիթմի խանգարումներին է բաժին հասնում ամբողջ աշխարհում տարեկան մահացությունների մոտ 15-20%-ը։ Սրտի ռիթմի սուր և կյանքին սպառնացող խանգարումների դեպքում կարող են օգտագործվել դեֆիբրիլյատորներ՝ սրտի նորմալ բաբախումը վերականգնելու համար: Ուժեղ էլեկտրական ազդակը հանգեցնում է սրտի գործունեության կարճատև դադարեցման՝ նորմալ գործունեությունը վերականգնելուց առաջ: Թեև այս բուժումը կարող է արդյունավետ լինել հիվանդի կյանքը փրկելու համար, սակայն ուժեղ էլեկտրական ազդակները կարող են ունենալ նաև բացասական կողմնակի ազդեցություններ, ինչպիսիք են սրտի հյուսվածքի վնասումը կամ ուժեղ ցավը:
Հոդվածը հրապարակվել է Chaos: An Interdisciplinary Journal of Nonlinear Science ամսագրում:
Իրենց մեթոդը փորձարկելու համար գիտնականներն օգտագործել են գենետիկորեն ձևափոխված մկների սրտեր, որոնք խթանվել են լույսի միջոցով: Այս դեպքում օպտիկական լուսային ազդակների հաջորդականությունն արձակվում է փակ ցիկլի խթանման ալգորիթմի կիրառմամբ: Յուրաքանչյուր ազդակ արձակվում է ի պատասխան չափված առիթմիկ ակտիվության: Օգտագործելով սրտի էլեկտրական խթնման այս արձանագրությունը՝ թիմը կարողացել է արդյունավետորեն վերահսկել և վերացնել սրտի առիթմիաները նույնիսկ էներգիայի ցածր ինտենսիվության դեպքում, որը չի ակտիվացնում սիրտը, այլ միայն կարգավորում է նրա գրգռվածությունը:
«Սրտի նորմալ ռիթմը վերականգնելու համար մեկանգամյա բարձր էներգիայով ցնցում կիրառելու փոխարեն մենք օգտագործում ենք սրտի առիթմիայի դինամիկայի մեր պատկերացումը, որպեսզի այն մեղմորեն վերացնենք, - ասում է հետազոտության առաջին հեղինակ Սայեդե Հուսեյնին:- Արդյունքում ստացվում է բուժման նուրբ մեթոդ՝ ազդակի համար էներգիայի շատ ավելի քիչ ծախսմամբ, ինչը ավելի քան 40 անգամ ավելի քիչ է ավանդական մեթոդի համեմատ»:
Հետազոտական թիմը կօգտագործի այս արդյունքները նաև էլեկտրական ազդակների միջոցով առիթմիայի վերահսկումը բարելավելու համար: Սա կարող է հանգեցնել նրան, որ ժամանակակից դեֆիբրիլյատորները հիվանդների մոտ ավելի նվազ ցավ և կողմնակի բարդություններ առաջացնեն։
Ավտոմեքենան գլորվելով հայտնվել է դաշտամիջյան հատվածում․ կան զոհեր
«Վաճառում էր իրեն ամուսնացածներին»․ Լեպսի նշանածը բացահայտել է Բոնիայի անցյալը
Դատավոր Մասիս Մելքոնյանը երիտասարդ կնոջ հետ է կապվել եւ հեռացել ընտանիքից
էս նախագիծը Երևան քաղաքի բնակիչներին տուգանքի մատերիալ նշնակելու մասին է․ Թադևոս Ավետիսյան
Հասուն տարիքում, տղամարդիկ պարտավոր են խոսքի արժեքը հասկանալ. Նարեկ Մանթաշյան
Հերթը հասավ «պարականոն» սպառնալիքներին. ի՞նչ սպասել առաջիկայում
Միքայել Աջապահյանի օրագիրն ենք գտել, որում գրված է Բագրատ Գալստանյանի շարժման, հանդիպումների մասին. ...
Սերժ Սարգսյանի գաղտնի աջակցությունը Նիկոլ Փաշինյանին
ՀՀ իշխանությունն էլ է փչացնում Ռուսաստանի հետ հարաբերությունները
Ռիհաննան կիսամերկ լուսանկարներով ներկայացել է իր բրենդի համար