WhatsApp-ում նոր գործառույթ է ավելացվել
WhatsApp-ի մշակողները ցանկանում են հեշտացնել մեսենջերում սթիքերների ստեղծումը: WhatsApp-ի տարբերակներից մեկում հայտնաբերվել է գործառույթ, որը նախատեսված է անմիջապես չատում գտնվող լուսանկարից սթիքեր ստեղծելու համար, հայտնում է WABetaInfo պորտալը։
Ըստ աղբյուրի՝ WhatsApp-ի Android-ի 2.24.6.5 կոդային համարով բետա տարբերակում հայտնաբերվել է սթիքերների խմբագրիչ, որը թույլ է ցանկացած պատկեր վերածել սթիքերի։
Դա անելու համար պարզապես պետք է բացել լուսանկարը, սեղմել «Ընտրանքներ» հրահանգը, որը նման է երեք ուղղահայաց կետերի, ապա բացվող ընտրացանկից ընտրել «Ստեղծել սթիքեր» հրահանգը: Օգտատիրոջը կառաջարկվի անմիջապես պահպանել սթիքերը կամ խմբագրել այն, որից հետո այն կարող է ուղարկել ցանկացած չատում։
Ըստ WABetaInfo-ի՝ այսպիսի մոտեցումը մեծապես կհեշտացնի և կարագացնի սթիքերների ստեղծումը։
Նախկինում այս գործառույթը հասանելի էր WhatsApp-ի iOS-ի փորձարկողներին: Այժմ այն կարող է օգտագործվել որոշ բետա փորձարկողների կողմից Android-ում: Առայժմ հայտնի չէ, թե բոլոր հարթակներում աշխատող սթիքերների խմբագրիչով մեսենջերի ամբողջական տարբերակը երբ կթողարկվի։
Օրերես հայտնի էր դարձել, որ WhatsApp-ը մշակում է նոր գործառույթ, որը Android օգտատերերին թույլ կտա ընտրել, թե երրորդ կողմի որ հավելվածներից հնարավոր կլինի չատով հաղորդակցվել այս մեսենջերի հետ:
Նաև վերջերս WhatsApp-ում հայտնվել են տեքստի ֆորմատավորման նոր հնարավորություններ, որոնք թույլ են տալիս տեքստը կառուցվածքավորել, ընդգծել մեջբերումները և օգտագործել տեքստի ֆորմատավորման այլ տեսակներ:
ՀՀ իշխանությունն էլ է փչացնում Ռուսաստանի հետ հարաբերությունները
Սամվել Կարապետյանի ընտանիքը ներդրումային վեճ սկսելու մասին պաշտոնական ծանուցում է ուղարկել ՀՀ պետակա...
Ավտոմեքենան գլորվելով հայտնվել է դաշտամիջյան հատվածում․ կան զոհեր
Վտանգավոր աղմուկ-աղաղակ՝ նեղ քաղաքական շահերի սպասարկման ճանապարհին
Ռիհաննան կիսամերկ լուսանկարներով ներկայացել է իր բրենդի համար
Պարեկները հայտնաբերել են երեխան գրկին երթեւեկող վարորդին
Միքայել Աջապահյանի օրագիրն ենք գտել, որում գրված է Բագրատ Գալստանյանի շարժման, հանդիպումների մասին. ...
Ես ոչ մի պաշտոն չեմ ուզում. Լևոն Քոչարյան
«Զվարթնոց» օդանավակայանում ԱԱԾ սահմանապահները չեն թողել որպեսզի Արմեն Չարչյանը սահմանը հատի․ փաստաբա...
Սերժ Սարգսյանի գաղտնի աջակցությունը Նիկոլ Փաշինյանին