Կանադացի ուսանողը վերստեղծել է Արքիմեդի «մահվան ճառագայթը»

Օնտարիոյից 12-ամյա Բրենդեն Սեները որոշել է վերարտադրել Արքիմեդի հայելիները, որոնց օգնությամբ, ըստ լեգենդի, հնարավոր է եղել պաշտպանել Սիրակուզան մ.թ.ա. 213 թվականին։ Հին հունական մի շարք աղբյուրների համաձայն՝ Արքիմեդը, օգտագործելով Սիրակուզայի ծովածոցի երկայնքով տեղադրված հայելիները, կարողացել է արևի ճառագայթները կենտրոնացնել թշնամու նավերի վրա և հակառակորդի նավատորմը այրվել է, հայտնում է IFL Science-ը։

Որքանո՞վ է իրական լեգենդը, և արդյոք դա հնարավոր է իրականում, դեռ ոչ ոք չի փորձել ստուգել: Սեները կառուցել է նմանատիպ սարքի ավելի փոքր տարբերակը՝ օգտագործելով սեղանի լամպ և հայելիներ:

Հետաքրքրասեր դեռահասը հայտնաբերել է, որ հարյուր վտ հզորությամբ լամպը և չորս հայելիները «ջերմաստիճանի փոփոխություն են առաջացնում երեք հայելու համար չորս աստիճանով, իսկ չորրորդի համար՝ լրացուցիչ 10 աստիճանով»։ Այսինքն՝ սկզբունքորեն հայեցակարգն աշխատում է, և նմանատիպ տեխնոլոգիայի զենքերը իրականում կարող են օգտագործվել մարտերում։

Այո, հին Սիրակուզայում «մահվան ճառագայթի» կիրառման իրական ապացույցներ չեն հայտնաբերվել, ինչը չի նշանակում, որ այն գոյություն չունի։ Հին փիլիսոփաների գրքերում միայն նկարագրություններ կան, ինչը նույնպես շատ է։

Իր հայտնագործության համար դեռահասը պարգևատրվել է Matthews Hall Annual Science Fair Gold մեդալով, Thames Valley Science and Technology Fair Gold մեդալով ֆիզիկական գիտություններում և Լոնդոնի հանրային գրադարանի մրցանակով։