Գիտնականները պարզել են ջրում մարդու համար վտանգավոր նանոպլաստիկի պարունակությունը

Ջրի մեկ լիտրանոց շշում կարող է պարունակվել մոտ 240 հազար պլաստիկե մասնիկ։ Այս մասին գրել է Bloomberg-ը՝ հղում կատարելով Proceedings of the National Academy of Sciences ամերիկյան ամսագրում հրապարակված հետազոտությանը։

Գիտնականները պարզել են, որ ջրի մեջ է հայտնվել նանոպլաստիկ՝ 1 միկրոմետրից պակաս երկարությամբ մասնիկ (մկմ; 1 մմ – 1 000 մկմ)։ Եթե սկզբում խոսքը վերաբերում էր միայն նանոպլաստիկին, նոր հետազոտությունը պարզել է, որ պլաստիկի պարունակությունը կարող է 100 անգամ ավելին լինել նախորդ ցուցանիշների համեմատ։

Նանոպլաստիկի վտանգավորությունն այն է, որ իր փոքր չափերի պատճառով այն կարող է հայտնվել մարդու բջիջներում եւ արյան մեջ, այդ թվում ընկերքի միջոցով՝ նորածինների մարմնում, նշել է գործակալությունը։

Գիտնականները հայտնաբերել են միկրոսկոպիայի մեթոդ եւ օգտագործել ալգորիթմ՝ տվյալների հսկայական քանակության հիման վրա, հասկանալու համար, թե նանոպլատսիկի ինչ քանակություն է պարունակվում ջրում։ Ուսումնասիրության համար վերցվել են ամերիկյան երեք արտադրողների (հատկապես որոնք՝ նշված չէ) 25 լիտրանոց շշերը։ Դրանցում գտնվել են 110-370 հազար մասնիկներ, որոնց 90 տոկոսը՝ նանոպլաստիկ։

Հետազոտության հեղինակները նշել են, որ որոշ մասնիկներ մնացել են դեռ չպարզված, այսինքն՝ պլաստիկի պարունակությունը կարող է եւ ավելին լինել։