Արյան երկրորդ խումբ ունեցող մարդիկ SARS-CoV-2-ով վարակվելու ավելի մեծ վտանգի են ենթարկված. Blood

Հարվարդի բժշկական դպրոցի գիտնականները պարզել են, որ արյան երկրորդ խումբ ունեցող մարդիկ SARS-CoV-2-ով վարակվելու ավելի մեծ վտանգի են ենթարկված։ Այս մասին հետազոտությունը հրապարակվել է Blood ամսագրում։

Հետազոտողները լաբորատոր փորձարկումներ են կատարել արյան բջիջներում, որոնք ստացվել են արյան А (II) եւ O (I) խումբ ունեցող մարդկանցից։ Նրանք հայտնաբերել են, որ SARS-CoV-2 վիրուսը գերազանցապես վարակում է արյան երկրորդ խմբի բջիջները։

Արդյունքը կապված էր այն բանի հետ, որ վիրուսը ավելի մեծ նմանություն ունի արյան երկրորդ խմբի բջիջների մակերեսի սպիտակուցների հետ, դա հեշտացնում է դրա թափանցումը բջիջներ։ Գիտնականները նաեւ ցուցադրել են, որ այն սպիտակուցի ավելացումը, որը թույլ չի տվել վիրուսին վարակել բջիջների մակերեսի սպիտակուցներին, արգելակել է արյան երկրորդ խմբի բջիջների վարակումը։

Նախորդ հետազոտությունները ցույց են տվել, որ վարակվելու հավանականությունը SARS-CoV-2-ի հետ շփվելուց հետո արյան երկրորդ խումբ ունեցող մարդկանց մոտ կարող է 20 տոկոսով ավելին լինել, քան արյան առաջին խումբ ունեցող մարդկանց պարագայում։ Սակայն մինչ այժմ ոչ մի հետազոտությունում չի պարզվել այն մեխանիզմը, որը կկարողանար բացատրել այդ տարբերությունը։

Գիտնականները նախազգուշացրել են, որ ստացված տվյալներ չեն նշանակում, որ արյան առաջին խումբ ունեցող մարդիկ չպետք է զգուշության միջոցներ ձեռնարկեն՝ SARS-CoV-2-ով վարակվելու ռիսկը նվազեցնելու համար։