Իսրայելում գիտնականները գտել են 12 հազար տարի առաջ ստեղծված ֆլեյտաներ՝ պատրաստված թռչունների ոսկորներից

Ֆլեյտաները նմանակում են գիշատիչ թռչունների՝ մկնաբազեի եւ ճնճղաբազեի ձայնը։ Կան մի քանի հիպոթեզներ, թե ինչի համար են օգտագործվել այդ ֆլեյտաները։ Ըստ առանձին հիպոթեզի՝ դրանք հարկավոր են եղել որսի ժամանակ։ Երկրորդի համաձայն՝ դրանց նվագը հնչել է ծեսերի ժամանակ։ Երրորդի համաձայն՝ դրանք կարող էին կրել որպես ծիսական զարդ։

Աերոֆոնները հազվադեպ երեւույթ են այս տարածքում։ Դրանք հիմնականում գտնվել են Եվրոպայի տարածքում։ Իսրայելում գտնվածները առաջին նման գործիքներն են, որոնք նույնականացվել են Մերձավոր Արեւելքում։

Ֆլեյտաները հայտնաբերվել են Այն-Մալահում, նաթուֆիական բնակավայրում։ Հնագիտական մշակույթի ներկայացուցիչներն այստեղ ապրել են մ.թ.ա. 13 000 – 9 700 թվականներին։ Նրանք որսորդներ են եղել։