Անթրոպոլոգները գտել են Homo ցեղի պատմության մեջ ամենահին գերեզմանները

Գիտնականներն Աֆրիկայի հարավում հայտնաբերել են մնացորդներ, որոնք սաղմի տեսքով էին տեղադրված։ Դա կարող է լինել հնագույն հայտնի գերեզմանատեղի, որը գոյություն է ունեցել 244 հազար տարի առաջ։

Homo naledi-ի դիրքը էվոլյուցիոն ծառին վերջնականապես որոշված չէ, բայց, նրանք, ամենայն հավանականությամբ, ընդհանուր նախնիներ են ունեցել սափիենսների եւ նեանդերթալցիների հետ։ Նրանց ուղեղը երեք անգամ ավելի փոքր է, քան մեր անմիջական նախնիներինը։

Սակայն անթրոպոլոգները նոր ապացույցներ են ներկայացրել այն մասին, որ Homo naledi-ներն արդեն կարող էին թաղել իրենց հանգուցյալներին։ Հավանաբար, նրանք դա արել են դեռեւս 240 հազար տարի առաջ, շատ ավելի առաջ, քան դա անում էին Homo sapiens-ները։

Նույն գերեզմանախցի կրաքարե պատին նկատվել են քերծված երկրաչափական ֆիգուրներ։ Քանի որ այլ տեսակների հետքեր այստեղ չեն հայտնաբերվել, անթրոպոլոգները կարծում են, որ դրանք նույնպես թողել են Homo naledi-իների ներկայացուցիչները։