Ավստրալիայում բացահայտել են գեկոնների նոր տեսակ՝ փսիխոդելիկ աչքերով

Ավստրալացի գիտնականները գենետիկ վերլուծության շնորհիվ բացահայտել են գեկոնների նոր տեսակ՝ արտասովոր փսիխոդելիկ աչքերով։ Սողունների երկարությունը հասնում է վեց սանտիմետրի, նրանք ապրում են աշխարհամասի հարավ-արեւմուտքում, դրանց թվաքանակն առայժմ հայտնի չէ, գրել է LiveScience-ը։

Նոր տեսակն անվանել են Strophurus spinula-ն։ Այն իր տեսակի մեջ 21-րդն է։ Այդ սողուններն ապրում են միայն Ավստրալիայում։ Ընդունված է կարծել, որ նոր տեսակը Գոլֆիլդսի փշոտ գեկոնների պոպուլյացիայի մի մասն է, բայց ԴՆԹ-ի վերլուծությունը տարբերություններ է հայտնաբերել սողունների գենոմում։ Strophurus spinula-ն ցեղակիցներից տարբերվում է փշոտ պոչով եւ մարմնի ուղիղ փշերով։