Գիտնականները նախազգուշացնում են, որ մինչեւ 2100թ. յուրաքանչյուր հինգերորդ մարդը բախվելու է պոտենցիալ մահացու շոգի

Հետազոտողները նախազգուշացրել են, որ մինչեւ 2100թ. Երկրի յուրաքանչյուր հինգերորդ մարդը կարող է հայտնվել շոգի մահացու գոտում։ Մոլորակի ջերմաստիճանը կբարձրանա 2,7 °C-ով՝ մինչինդուստրիալ մակարդակի համեմատ։

Կլիմայի փոփոխության պատճառով ավելի քան 2 մլրդ մարդ՝ Երկրի բնակչության մոտ 22 տոկոսը, ստիպված կլինի ապրել անհարմարավետ պայմաններում։

Այսպիսի սցենարի դեպքում ամենաաննպաստ պայմանների կբախվեն ամենամեծ թվաքանակ ունեցող երկրները՝ Հնդկաստանը, Նիգերիան, Ինդոնեզիան, ինչպես նաեւ Ֆիլիպիններն ու Պակիստանը։

Սակայն գլոբալ ջերմացման սահմանափակումը 1,5°C մակարդակում, որը սահմանվել է Փարիզի 2015թ. կլիմայի համաձայնագրում, կտրուկ կկրճատի այն մարդկանց թիվը, որոնք կենթարկվեն ռիսկի. այդ թիվը կհասնի կես միլիարդի։