Կանանց հույզերը կապված են աղիների միկրոբիոտայի կազմի հետ. ուսումնասիրություն

Կանանց հուզական վիճակը, նրանց երջանկության զգացումը և զգացմունքները կառավարելու կարողությունը կապված է աղիքային միկրոբիոտայի կազմի հետ։ Այս գործոնների վրա ազդում են Firmicutes CAG 94 և Ruminococcaceae D16 բակտերիաները: Այս եզրակացություններն են արել ամերիկացի գիտնականները միջին տարիքի 200 կանանց մասնակցությամբ ուսումնասիրության ընթացքում, գրում է Neuroscience News-ը։

Նրանց խնդրել են հարցաթերթիկներ լրացնել իրենց հույզերի և վերջին մեկ ամսվա ընթացքում դրանց հետ վարվելու ձևերի մասին: 90 օր հետո կանանցից վերցվել են աղիքային միկրոբիոտայի նմուշներ։ Նրանց հետազոտությունների արդյունքները համեմատվել են հարցաթերթիկներից ստացված տվյալների հետ:

Պարզվել է, որ այն կանանց մոտ, ովքեր ճնշում են իրենց հույզերը, աղիների միկրոբիոմը պակաս բազմազան է։ Նրանք, ովքեր ավելի շատ էին խոսում երջանիկ զգալու մասին, ավելի քիչ Firmicutes CAG 94 և Ruminococcaceae D16 բակտերիաներ ունեին: Նրանք, ովքեր հիմնականում բացասականին էին բախվում, ընդհակառակը՝ Firmicutes CAG 94 և Ruminococcaceae D16 բակտերիաները շատ էին:

Վերջին ուսումնասիրությունները ցույց են տալիս, որ ուղիղ կապ կա ուղեղի և աղեստամոքսային տրակտի միջև, և ֆիզիկական առողջությունը կարող է կապված լինել հոգեկան առողջության հետ հենց միկրոբիոտայի միջոցով: