Արհեստական ​​ինտելեկտն առանց մարդու օգնության օտար լեզու է սովորել

Google-ի մշակած արհեստական ​​ինտելեկտին հաջողվել է առանց մարդու օգնության օտար լեզու սովորել։ Այս մասին հայտնում է «Новая наука»-ն։

Google-ի գործադիր տնօրեն Սունդար Պիչայը CBS-ին տված հարցազրույցում պատմել է, թե ինչու է ընկերությունն արհեստական ​​ինտելեկտին զգույշ մոտենում։ Վերջին տարիներին Մաունթին-Վյուի հսկան իսկապես դադարեցրել է արհեստական ​​ինտելեկտի հետ կապված մի քանի նախագծեր՝ ավելորդ զգուշության պատճառով: Մասնավորապես, հետաձգվել են լեզվական մոդելները, ընդ որում, Google-ը որպես պատճառ նշում էր անվտանգության և իմիջի հետ կապված ռիսկերը:

Մասամբ այս զգուշության պատճառով էլ OpenAI-ն և Microsoft-ն AI-ի մրցավազքում առաջ անցան Google-ից:

«Մենք բոլորս ամեն քայլափոխի պետք է պատասխանատու լինենք», - ասում է Սունդար Պիչայը:

Փորձելով ավելի համարձակ լինել՝ ի պատասխան մրցակիցների, Google-ը նմանատիպ մոտեցում ցուցաբերեց Bard-ի գործարկման հարցում: Ամբողջ աշխարհում չաթբոտը անմիջապես գործարկելու փոխարեն՝ ընկերությունն ընտրեց փուլային հասանելիությունը՝ սկսած ԱՄՆ-ից և Մեծ Բրիտանիայից:

Ի սկզբանե, Google-ը հիմնվում էր LaMDA-ի (Լեզվի մոդել խոսակցական հավելվածների համար) մոդելի վրա։ Աստիճանաբար ընկերությունն ավելի հզոր լեզվական մոդելի հնարավորություններ ավելացրեց, մասնավորապես՝ Pathways Language Model-ը (PaLM): PaLM-ն ունի 540 միլիարդ պարամետր, մինչդեռ LaMDA-ն՝ ընդամենը 137 միլիարդ:

Ըստ Սունդար Պիչայի՝ երբեմն գեներատիվ արհեստական ​​ինտելեկտներն իրենց լիովին անսպասելի կերպով են պահում: Google-ի եզրահանգումների համաձայն՝ լեզվի մոդելները երբեմն կարող են ինքնուրույն՝ առանց ծրագրավորողների իմացության, նոր հմտություններ սովորել: Ընկերությունն այս գաղտնիքն անվանել է «արտահայտված հատկություններ»: