Ի՞նչ նախաճաշերը կարող են վնասասկար լինել նիհարելիս

Եթե ցանկանում եք նիհարել եւ ազատվել ավելորդ քաշից, օրը չպետք է սկսեք հրուշակեղեն ուտելուց։ Այսպիսի կարծիք է արտահայտել սննդաբան Թրիստա Բեսթը (ԱՄՆ)։

Այսպես կոչված արագ ածխաջրեր պարունակող ցանկացած կերակրատեսակ ոչ միայն կխանգարի նիհարելուն, այլեւ կարող է նպաստել ավելորդ քաշ հավաքելուն։

«Թխված կերակրատեսակները նախաճաշերի համար, ինչպիսին են տոստերում տաքացնելու համար նախատեսված պատրաստի եւ փաթեթավորված մթերքները, փքաբլիթները եւ անգամ սննդին փոխարինող որոշ հացիկներ, կարող են դանդաղեցնել ձեր նիհարելու գործընթացը, քանի որ ճարպի կուտակմանը որովայնի շրջանում հեշտ է հասնել զտված ածխաջրերի եւ շաքարի դիետայով»,- ասել է մասնագետը։

Ինչպես տեղեկացրել է Eat This, Not That! պարբերականը, թխվածքները, որոնք ոմանք ուտում են նախաճաշին, գործնականում սննդարար արժեք չունեն եւ քաղցը միայն ժամանակավորապես են հագեցնում։ Ընդ որում՝ դրանք բազմաթիվ թերություններ ունեն, իսկ դրանցում պարունակվող բաղադրիչները խթանում են բորբոքային պրոցեսներին օրգանիզմում եւ կարող են առաջ բերել արյան մեջ գլյուկոզայի մակարդակի կտրուկ ավելացում։

Սննդաբանը խորհուրդ է տվել թխվածքները փոխարինել այն մթերքներով, որոնք հարուստ են սպիտակուցներով, օրինակ, կարելի է ուտել հավկիթ եւ հունական յոգուրտ։