Ո՞ր մթերքներն են օգնում կանխել արթրիտը

Արթրիտը շատ տարածված եւ տհաճ հիվանդություն է, որը ազդում է հոդերի վրա: Այս հիվանդության երկու ամենատարածված տեսակներն են՝ ռեւմատոիդ արթրիտը եւ օստեոարթրիտը:

Ըստ Eat This, Not That!-ի՝ որոշ սովորություններ կարող են օգնել պահպանել հոդերի առողջությունն ու կանխել այս հիվանդությունների զարգացումը։

Առաջին հերթին, ցանկալի է բացառել բորբոքում առաջացնող մթերքները։ Զտված ածխաջրերը, շաքարը, սնձանն ու կոնսերվանտները վնասակար են։ Այս բոլոր մթերքներն առաջացնում են ծանր բորբոքում եւ կարող են սրել արթրիտը կամ ուժեղացնել ցավը:

Արթրիտը կանխելու համար մասնագետները խորհուրդ են տալիս ավելի շատ ձուկ ուտել։

Խորհուրդ է տրվում սննդակարգում ներառել նաեւ սերմեր եւ ընկույզների տեսականի։ Դրանք պարունակում են մեծ քանակությամբ սելեն եւ վիտամին E, որոնք գործում են որպես հակաօքսիդանտներ։

Մասնագետները խորհուրդ են տալիս նաեւ ձիթապտղի յուղ օգտագործել բուսայուղի եւ կարագի փոխարեն։