Աշխարհի «տերերը» որոշել են զանգվածաբար ոչնչացնել կենդանական աշխարհը

Առաջիկա 10 տարում Երկիրը կարող է բախվել դինոզավրերի վերացումից ի վեր կենդանատեսակների ամենազանգվածային անհետացմանը, նախազգուշացնում է Վայրի բնության համաշխարհային ֆոնդը (WWF)։

Ինչպես տեղեկացնում է Daily Mail-ը՝ հղում կատարելով ֆոնդի նյութերին, անհետացման եզրին են հայտնվել միլիոնավոր բույսեր եւ կենդանիներ։

Ինչպես երեւում է WWF-ի հաշվետվությունից, սպառնալիքի տակ են աֆրիկյան փղերը, սպիտակ արջերը, որոշ շնաձկներ, գորտեր եւ ձկներ։

Բնության պահպանության միջազգային միության (IUCN) Կարմիր գրքում այսօր ներառված է 142 500 տեսակ, որոնցից 40 հազարն անհետացման սպառնալիքի տակ է։ Սա ամենամեծ ցուցանիշն է 1964թ. դիտարկումներն սկսելու պահից։

WWF-ը նախազգուշացնում է, որ 31 տարվա ընթացքում աֆրիկյան անտառային փղի պոպուլյացիան կրճատվել է 86 տոկոսով։ Սպիտակ արջերը վտանգի մեջ են հայտնվել արկտիկական սառույցների հալվելու պատճառով. փորձագետները մտահոգ են, որ մինչեւ 2035թ. ամառ Արկտիկայում ընդհանրապես սառույց չի մնա։

Ձկան չափից ավելի շատ որսը եւ բնական միջավայրի ոչնչացումը հանգեցրել են բոլոր տեսակի շնաձկների եւ կատվաձկների պոպուլյացիայի կրճատմանը։

Սպառնալիքի տակ են հայտնվել նաեւ գորտերը Գերմանիայում, միջերկրածովյան Pinna nobilis կակղամորթները։