Լեզվի հետ կապված որ խնդիրն է վկայում B12 վիտամինի պակասի մասին

Օրգանիզմում վիտամին B12-ի պակասը կարող է տարբեր հիվանդություններ առաջացնել, որոնք կարող են տարբեր կերպ դրսեւորվել։ Այսպիսի կարծիք է հայտնել սննդաբան, սննդային վարքագծի խանգարումների մասնագետ Հելեն Ուեսթը։

Ինչպես գրում է Daily Express-ը, մասնագետի խոսքով, կա մեկ նշան, որով կարելի է անմիջապես հասկանալ, որ մարդը B12-ի դեֆիցիտ ունի։ Պարզվում է, որ լեզուն նման դեպքերում ուռչում է, կարմրում ու մի քիչ փայլում։ Բժիշկներն այս երեւույթն անվանում են գլոսիտ: Պացիենտին կարող է նաեւ թվալ, որ համի ռեցեպտորներն անհետացել են:

Ուեսթը նաեւ նշել է, որ գլոսիտը հանգեցնում է խոսքի արատների, ուտելու ժամանակ նույնպես մարդու մոտ փոփոխություններ են նկատվում։ Ախտանիշն ի հայտ է գալիս ոչ թե անմիջապես, այլ մի քանի տարիների ընթացքում։ Բացի B12 վիտամինի պակասից, գլոսիտ կարող է առաջացնել կծու սնունդը, բերանի չորությունը կամ թթվային ռեֆլյուքսը: