Ինչպե՞ս է ձկան օգտագործումը ազդում ուղեղի ծերացման վրա

Հաճախ ձուկ օգտագործող մարդիկ աչքի են ընկնում ուղեղի ավելի ամուր առողջությամբ։ Այս մասին վկայում են Neurology ամսագրում հրապարակված հետազոտության արդյունքները։

Հետազոտության հեղինակներն ուսումնասիրել են ավելի քան 1500 մարդու (65-ից բարձր տարիքի) սնվելու սովորությունները, ընդ որում՝ մինչ այդ նրանք սրտի, անոթների հետ կապված խնդիրներ, ինչպես նաեւ տկարամտության նշաններ չեն ունեցել։ Փորձի բոլոր մասնակիցները սքանավորել են ուղեղը ՄՌՏ-ի օգնությամբ։

Պարզվել է, որ այն խմբում, որի մասնակիցները ձուկ են կերել շաբաթը 4 եւ ավելի անգամ, ավելի քիչ են ուղեղի վնասման նշաններ ունեցել։

Գիտնականների խոսքով՝ հետազոտությունը ներկայացնում է II դասի ապացույցներ, որ առանց ուղեղի կաթվածի եւ տկարամտության մադրկանց մոտ ձկան ավելի շատ օգտագործումը կապված է ավելի հազվադեպ սուբկլինիկական սիրտ-անոթային հիվանդությունների հետ։