Գիտնականները բացահայտել են մուտացիայի ենթարկված կորոնավիրուսի վտանգը

Մերիլենդի համալսարանի գիտնականները պարզել են, որ մուտացիայի ենթարկված կորոնավիրուսն ավելի լավ է փոխանցվում օդակաթիլային ճանապարհով: Այս մասին հետազոտությունը հրապարակված է Clinical Infectious Diseases-ում:

Ամերիկացի գիտնականները պարզել են SARS-CoV-2-ի տարբեր շտամերի վտանգը: Մասնագետները փորձ են կատարել՝ խնդրելով COVID-19-ի տարբեր տարբերակներ ունեցող մարդկանց երեք անգամ կրկնել այբուբենը կամ երգել «Ծնունդդ շնորհավորը»: Կորոնավիրուսի «ալֆա» շտամով վարակված սուբյեկտները հարյուր անգամ ավելի շատ վիրուսային մասնիկներ են արտաշնչել, քան նրանք, ովքեր ունեցել են սկզբնական տարբերակը:

Հետազոտողները հաստատել են, որ բժշկական դիմակները վիրուսի փոխանցման վտանգը 50 տոկոսով են նվազեցնում: «Մենք գիտենք, որ «դելտան» նույնիսկ ավելի վարակիչ է, քան «ալֆան»: Մեր ուսումնասիրությունը լրացուցիչ ապացույցներ է տալիս վարակի նոր շտամերի օդային փոխանցման մասին»,- նշում են գիտնականները: