Ինչպե՞ս ճիշտ մարզվել դրսում

Բացօթյա մարզանքը կարող է շատ օգտակար լինել, եթե, իհարկե, չմոռանանք անվտանգության կանոնների մասին, որոնք հատկապես արդիական են շոգ եղանակին:

Ահա մի քանի խորհուրդ, թե ինչպես խուսափել առողջական խնդիրներից եւ առավելագույնս օգուտ ստանալ բացօթյա մարզումներից.

Փորձեք մարզվել առավոտյան կամ մայրամուտից հետո, երբ օդի ջերմաստիճանը եւ արեւի ակտիվությունը նվազագույն են: Մարզասրահների համար սանտիարական նորմերի ու կանոնների, ինչպես նաեւ Սպորտային բժշկության ամերիկյան քոլեջի համաձայն՝ ֆիթնեսի համար օպտիմալ ջերմաստիճանը 20-23°C է՝ 20-60 տոկոս խոնավության պայմաններում:
Եթե օդի ջերմաստիճանը +26°C-ից բարձր է, չեղարկեք մարզումը կամ արեք այն օդոփոխվող վայրում: Պրոֆեսիոնալ ֆուտբոլիստների հետ արված փոքր ուսումնասիրությունը ցույց է տվել, որ +30°C ջերմաստիճանում սթրեսի կենսաչափիչները վիճակագրորեն նշանակալի են դառնում նույնիսկ մարզիկների դեպքում:
Մարմնի բոլոր բաց հատվածնքերը ծածկեք արեւապաշտպան միջոցներով: Մի մոռացեք ականջների, պարանոցի հետեւի հատվածի, ոտնաթաթերի եւ մատների մասին:
Ջրային մարզաձեւերի համար եւս հարկավոր է ուլտրամանուշակագույն ճառագայթներից պաշտպանվածության բարձր աստիճան ունեցող արեւապաշտպան միջոց:
Մարզման համար ընտրեք թեթեւ բաց գույնի հագուստ եւ շնչող կոշիկներ: Սինթետիկ գործվածքները դա ավելի լավ են անում, քան, օրինակ, բամբակը:
Պարապմունքների ժամանակ յուրաքանչյուր 15 րոպեն մեկ մի քանի կում ջուր կամ իզոտոնիկ ըմպելիք խմեք` ջրազրկվելուց խուսափելու համար:
Ի վերջո, վերահսկեք ձեր վիճակը: Եթե ​​նկատում եք սրտի զարկերի արագացում, գլխապտույտ, մաշկի հանկարծակի չորություն, գունատություն, ցնցումներ, դրանք կարող են ջերմային հարվածի նշաններ լինել:

Նման նշանների դեպքում խորհուրդ է տրվում տեղափոխվել օդափոխվող սենյակ կամ ստվերի տակ, ջուր խմել եւ, հնարավորության դեպքում, սառը ցնցուղ ընդունել: