Որքա՞ն է տեւում COVID-19-ի սուր շրջանը

COVID-19-ի սուր շրջանը տեւում է միջինը 18-19 օր։ Վիրուսն առաջանում է մոտավորապես 11 օրվա ընթացքում, բայց վերականգնման շրջանը կարող է մի քանի ամիս տեւել։ Այս մասին տեղեկացրել է «Ռոսպոտրեբնադզոր»-ի Համաճարակաբանության ԿԳՀԻ կլինիկական աշխատանքի գծով փոխտնօրեն Անտոնինա Պլոսկիրեւան։

«COVID-19 վարակի սուր շրջանի տեւողությունը տատանվում է 11-28 օր եւ միջինը կազմում է 18-19 օր։ Վիրուսի առաջացման միջին տեւողությունը 11 օր է»,- ասել է Պլոսկիրեւան ՌԻԱ «Նովոստի»-ի հետ զրույցում։

Նրա խոսքով՝ «հիվանդության տեւողության» մասին խոսելիս պետք է տարբերել սուր շրջանի տեւողությունը, ներառյալ առաջին ախտանշանների հայտնվելու պահից մինչեւ վարակի սուր դրսեւորումներն ամբողջությամբ, ինչպես նաեւ վերականգնման շրջանի տեւողությունը, որը կարող է մի քանի ամիս լինել։

Մասնագետը նաեւ նշել է, որ առողջացման ժամանակը կորոնավիրուսային վարակի հաղթահարումից հետո որոշվում է առաջին հերթին պացիենտի մոտ այլ հիվանդությունների առկայությամբ, տարիքով եւ վարակի ծանրության ձեւով։