Փաշինյանը ձախողման խորհրդանիշ է եւ չի կարող շարունակել ղեկավարել երկիրը. Վազգեն Մանուկյան
Փաշինյանը ձախողման խորհրդանիշ է եւ չի կարող շարունակել ղեկավարել երկիրը, քանի որ դա թույլ չի տա մեզ առաջ շարժվել: Այդ մասին «ՄԿ»-ին տված հարցազրույցում հայտարարել է «Հայրենիքի փրկության շարժման» թեկնածու Վազգեն Մանուկյանը:
Նրա խոսքով՝ նախ անհրաժեշտ է ազատվել ձախողման խորհրդանիշ Նիկոլ Փաշինյանից: «Այնուհետ անհրաժեշտ է ժողովրդին դուրս բերել խորը դեպրեսիայի վիճակից, հույս ներշնչել, որ շատ բան կարելի է փոխել եւ շատ բան կախված է մեզնից, համախմբել հասարակությունը պետության եւ մեր երեխաների ու թոռների ապագայի համար սեփական պատասխանատվության գաղափարի շուրջ... Եթե ինչ-որ մեկը վատ է կատարում իր աշխատանքը, ձախողում է իրեն վստահված ոլորտը, ապա պետք է հեռանա: Իսկ Փաշինյանը տապալման է հասցրել ամբողջ երկիրը: Նա չի վայելում վստահություն ո՛չ Հայաստանի ներսում, ո՛չ դրա սահմաններից դուրս... Բացի այդ, այդ ձախողումն այն գաղափարական սկզբունքների հետեւանքն էր, որոնք նա իր թիմի հետ միասին ներդրել էր մեր հասարակության մեջ՝ ճեղքելով ժողովրդին եւ զրկելով ապագայի հեռանկարներից: Այսօր ստեղծված իրավիճակը ոչ միայն պատերազմի հետեւանք է, այլ նաեւ բոլոր այն գործընթացների, որոնք սկսվել էին եւ արագ տեմպերով ընթանում էին Հայաստանում վերջին 2.5 տարվա ընթացքում»,-նշել է նա:
Մանուկյանը համարում է, որ կարեւոր է, որ Փաշինյանի հեռանալու եւ ժամանակավոր կառավարութայն ձեւավորման գործընթացներն ընթանան լեգիտիմ ճանապարհով: «Լեգիտիմ ճանապարհն Ազգային ժողովում պատգամավորների քվեարկությունն է: Պայմաններում, երբ ժողովուրդը միավորվել է Փաշինյանի հրաժարականի պահանջով, կարծում եմ, Ազգային ժողովը կընդունի այդպիսի որոշում, եթե ինքը՝ Նիկոլ Փաշինյանը, չի ցանկանում կամավոր դիմել այդ քայլին»:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում