Ես միանում եմ պաշտպանության նախկին նախարար Վազգեն Մանուկյանի կոչին
Վաստակավոր արտիստ, բեմադրող ռեժիսոր Վիգեն Ստեփանյանը միանում է ՀՀ նախկին վարչապետ Վազգեն Մանուկյանի կոչին ու պահանջում է Հայաստանի հանրապետության կառավարության հրաժարականը, և կառավարման ղեկը հանձնել զինվորական դասին: Այս մասին նա հայտնեց Yerevan.Today-ի հետ զրույցում։
Վազգեն Մանուկյանը, հիշեցնենք, երկու պահանջ էր դրել․
«Այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում՝ դա պետք է անի կամավոր, առանց ցնցումների, որոնք կարող են կործանարար լինել։
Բանակը, իր ձեռքը վերցնելով ողջ իշխանությունը, պետք է կազմի միասնական Պաշտպանության կոմիտե Արցախի հետ միասին՝ կազմակերպելով պատերազմական ներկա իրավիճակին անհրաժեշտ միջոցառումները, ապահովելով վստահություն և գնալով բանակցությունների շահագրգիռ պետությունների, միջազգային կառույցների հետ։ Սա միակ փրկությունն է։ Հակառակ դեպքում մենք կարող ենք կորցնել ամեն ինչ»։
«Վազգեն Մանուկյանի կոչը ներքուստ, այո, շատ տագնապալից է, բայց սա, թերևս, միակ ճիշտ ելքն է: Փաստացի, երկրի կառավարումը գտնվում է ճգնաժամի մեջ: Այսօր ծանրագույն վիճակում ենք, վտանգված է ոչ միայն Արցախի անվտանգությունը, այլև Հայաստանի Հանրապետության պետականությունն է կանգնած լուրջ վտանգի առաջ:
Գուցե արվում են ինչ-որ քայլեր, ես չգիտեմ, բայց դրանք անկհայտորեն անարդյունավետ են, իսկ իրադարձություններն այնքան հախուռն են, սարսափելի արագ են զարգանում, որ մենք սպասելու ժամանակ չունենք:
Ուստի մենք բոլորս պիտի կարողանանք ուժ գտնել մեր մեջ ու իրականությանը կանգնել դեմ հանդիման:
Կոչերը, ոգևորիչ խոսքերը, թերևս դրանք էլ անհրաժետ են, բան չունեմ ասելու, բայց ո՞րն է այսօրվա լեզուն, ո՞րն է այն գործողողությունը, որը կարողանալու է բեկում մտցնել այս ճգնաժամային իրավիճակում, սա է պետք գտնել, մեզ իրական միասնականություն է պետք, կոնկրետ քայլերի շուրջ:
Մենք բաց աչքերով նայում ենք, թե ոնց ենք պետականությունը վտանգում: Մենք բողոքելով, այս կամ այն միջազգային կառույցին դիմելով ոչինչ չենք փոխի: Պետք է առերեսվենք իրականության հետ։ Ես միանում եմ պաշտպանության նախկին նախարար Վազգեն Մանուկյանի կոչին»:
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
«Գոլդեն Ֆլորենս»-ի արտադրական գործունեությունը կասեցվել է
Ազատել եմ աշխատանքից ՊՆ այն աշխատակիցներին, որոնց զավակները այլ երկրի քաղաքացի են․ Պապիկյան
Անչափահասը սեքսուալ բնույթի բռնի գործողություններ է կատարել մեկ այլ անչափահասի նկատմամբ