Այլ ընտրություն չի մնում, քան անցնել Արցախի միջազգային ճանաչմանը. ԱՄՆ սենատոր Էդվարդ Մարքի
Ամերիկյան սենատոր Էդվարդ Մարքին ԱՄՆ կողմից Արցախը ճանաչելու վերաբերյալ հանդես է եկել հայտարարությամբ, հաղորդում է Ամերիկայի Հայ դատի հանձնախումբը:
Սենատոր Էդվարդ Մարքին (Մասաչուսեթսի նահանգ) կոչ է արել ԱՄՆ պետքարտուղար Մայք Պոմպեոյին հասնել անհապաղ կրակի դադարեցման Լեռնային Ղարաբաղում եւ խաղաղ կարգավորման բանակցությունների ճանապարհով:
Հիշեցնենք, որ այս ուրբաթ պետքարտուղար Պոմպեոն առանձին հանդիպում կունենա Հայաստանի ԱԳ նախարար Զոհրաբ Մնացականյանի եւ Ադրբեջանի ԱԳ նախարար Ջեյհուն Բայրամովի հետ:
Մարդասիրական հրադադարի վերաբերյալ նախկին երկու պայմանավորվածությունները, որոնք սկզբից առաջ քաշվեցին Մոսկվայի, ապա նաեւ Ֆրանսիայի կողմից, հենց նույն պահին էլ խախտվեցին: Ռազմական գործողությունները հարյուրավոր մարդկանց կյանքեր են խլել: Հաղորդվում է, որ Թուրքիան Սիրիայից վարձկան ապստամբներ է տեղափոխել հայ ժողովրդի դեմ կռվելու համար:
Էդվարդ Մարքիի հայտարարությունում ասվում է. «Ադրբեջանի ագրեսիվ գործողությունները Լեռնային Ղարաբաղում, որոնց ամբողջությամբ աջակցում է Թուրքիան, պետք է անհապաղ դադարեցվեն»,-ասել է Մարքին:
«Պետքարտուղար Պոմպեոն պետք է հասկացնել տա, որ ԱՄՆ-ը աջակցում է այս հակամարտության խաղաղ կարգավորմանը եւ պատրաստ է նպաստել բանակցություններին: Կրակի դադարեցման հասնելու եւ խաղաղության համար պայմաններ ստեղծելու համար մյուս կողմերը, ինչպիսին է Թուրքիան, պետք է դադարեցնեն իրենց ագրեսիվ գործողությունները եւ ռազմական միջամտությունը: ԱՄՆ-ը պետք է անհապաղ հասնի շփման գծում կրակի դադարեցման եւ շտապ վերադարձ բանակցություններին՝ Միսնկի խմբի միջնորդությամբ: Քանի որ Ադրբեջանը շարունակում է հակամարտությունը ապօրինի ռազմական ուժի միջոցով լուծելու փորձերը, միջազգային հանրությանն այլ ընտրություն չի մնում, քան անցնել Արցախի Հանրապետության միջազգային ճանաչմանը՝ կառուցողական բանակցությունների բացակայության պայմաններում»:
«Պետքարտուղար պոմպեոն նաեւ պետք է հասկացնել տա, որ ամբողջությամբ հետեւելու են Ազատության աջակցության մասին օրենքի 907-րդ հոդվածին, ըստ որի կադարեցնի ամերիկյան օգնությունն Ադրբեջանին անվտանգության ոլորտում: Ավելին, Պոմպեոն եւ նախագահ Թրամփը, որոնք սերտ կապեր են հաստատել Թուրքիայի նախագահ Էրդողանի հետ, պետք է իրենց ավտորիտար ընկերոջը հասկացնեն, որ այս հակամարտությունում իր հետագա մասնակցությունը կարժենան ռազմական օգնության եւ ԱՄՆ վարչակազմի հետ ջերմ հարաբերությունների դադարեցում»:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո