ՄԱԿ գլխավոր քարտուղարն աշխարհին է դիմել Ղարաբաղում կրակի դադարեցմանը օգնելու խնդրանքով
ՄԱԿ գլխավոր քարտուղար Անտոնիո Գուտերեշը տարածաշրջանային եւ միջազգային խաղացողներին կոչ է անում օգնել հասնելու կրակի շտապ դադարեցմանը հայ-ադրբեջանական հակամարտության գոտում, հայտնել է գլխավոր քարտուղարի պաշտոնական ներկայացուցիչ Սթեֆեն Դյուժարիկը, փոխանցում է «ՌԻԱ Նովոստի»-ն։
Նրա խոսքով՝ գլխավոր քարտուղարը դատապարտում է Լեռնային Ղարաբաղի հակամարտության գոտում շարունակվող էսկալացիան, չնայած ռազմական գործողություններն անհապաղ դադարեցնելու միջազգային հանրության բազմաթիվ կոչերին։ Նա լրջորեն մտահոգված է ռազմական գործողությունների տարածման, այդ թվում՝ բնակելի գոտիների գնդակոծությունների վերաբերյալ տեղեկություններից, նշել է Դյուժարիկը։
«Գլխավոր քարտուղարը եւս մեկ անգամ շեշտում է, որ հակամարտությունը ռազմական լուծում չունի, եւ կողմերին կոչ է անում անհապաղ դադարեցնել բոլոր ռազմական գործողությունները։ Նա բոլոր համապատասխան տարածաշրջանային եւ միջազգայիրն խաղացողներին կոչ է անում իրենց ազդեցությունն ակտիվորեն օգտագործել ռազմական գործողությունների անհապաղ դադարեցմանը հասնելու եւ ԵԱՀԿ Մինսկի խմբի համանախագահների հովանու ներքո բանակցություններին վերադառնալու համար»,- նշված է Դյուժարիկի հայտարարության մեջ։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Գերմանիայի աշխատաշուկան՝ կադրերի դեֆիցիտի առաջ
Մոսկվայի բոլոր օդանավակայանները կրկին դադարեցրել են աշխատանքը