«Մենք հաղթելու ենք, որովհետև գիտակցում ենք՝ ուրիշ ճանապարհ չունենք». իսրայելահայ հոգևորական
«Պատերազմի սկսվելու հաջորդ օրվանից հայերենով և եբրայերենով հայտարարություն ենք տարածել Ֆեյսբուքում, WhatsApp-ում, որպեսզի շատ արագ կազմակերպենք դրամահավաք և օգնության հասնենք հայ զինվորին»։ Այս մասին «Հայերն Այսօր»-ի հետ զրույցում տեղեկացրեց Իսրայելի Հայֆա քաղաքի և հյուսիսային շրջանների հոգևոր հովիվ Տիրայր քահանա Հովակիմյանը։
2 օրում տեղի հայ համայնքը հավաքել է 20000 դոլար, որն ուղղվել է Գորիսի ու Վարդենիսի բժշկական կենտրոններին։ Անհրաժեշտ դեղորայք, պարագաներ են ձեռք բերվել։ Հոգևորականի խոսքով՝ նման փոքր համայնքի համար դա իսկապես անսպասելի էր։
«Այսօր ազգը բանակ է դարձել։ Կապ չունի՝ բժիշկ ես, բարձրաստիճան հոգևորական կամ պաշտոնյա, բոլորը կատարում են մեկ պարտականություն՝ պաշտպանել հայրենիքը»,-նշեց Տիրայր Հովակիմյանը և հավելեց, որ հայտարարությունը տարածելու առաջին իսկ օրվանից Հայֆայի հայերից մի քանիսն ընդհուպ ռազմաճակատ մեկնելու ցանկություն են հայտնել։
Քահանա Հովակիմյանը նաև հայտնեց, որ բացի նյութական օգնությունից, համայնքը պետք է քննարկի ցույցերի, երթերի վերաբերյալ հետագա գործողությունները։
«Մենք հաղթելու ենք, որովհետև գիտակցում ենք՝ ուրիշ ճանապարհ չունենք»,-եզրափակեց նա։
Գյումրի-Աշոցք և Գյումրի-Ջաջուռ ավտոճանապարհները փակ են բոլոր տեսակի տրանսպորտային միջոցների համար
94 տարեկանում մահացել է սպարապետ Վազգեն Սարգսյանի հայրը
Չորս հայ գերրիներ են վերադարձել Հայաստան
Ով ինչպես է սիրում Հայաստանը
ՀՅԴ-ն որոշում ունի․ որ ուժի հետ դաշինք կկազմի
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Հունվարի 1-ից սոցփաթեթի շահառուների համար հանվել է պարտադիր կանխարգելիչ բուժզննություն անցնելու պահա...
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
«Գոլդեն Ֆլորենս»-ի արտադրական գործունեությունը կասեցվել է