ՌԴ ԱԽ-ում նշել են Սիրիայից եւ Լիբիայից զինյալներին Լեռնային Ղարաբաղ տեղափոխելու վտանագավորությունը
ՌԴ Անվտանգության խորհրդի մշտական անդամները ՌԴ նախագահ Վլադիմիր Պուտինի հետ խորհրդակցության ժամանակ նշել են Լեռնային Ղարաբաղում ծայրահեղ վտանգավորությունը՝ կապված Սիրիայից եւ Լիբիայից զինյալներին տարածաշրջան տեղափոախելու հետ։ Այս մասին այսօր հայտնել է ՌԴ նախագահի մամուլի քարտուղար Դմիտրի Պեսկովը։
«Խորհրդակցության մասնակիցները նշել են տարածաշրջանում ծայրահեղ վտանգավորությունը՝ կապված Սիրիայից եւ Լիբիայից զինյալներին այնտեղ տեղափոախելու հետ»,- հայտարարել է Պեսկովը։
«Խորհրդակցության ժամանակ հատուկ ուշադրություն է հատկացվել Ղարաբաղում շփման գծի իրավիճակին»,- ասել է Պեսկովը։ «Կրկին ծայրահեղ մտահոգություն է արտահայտվել՝ կապված շարունակվող մարտերի հետ»,- հավելել է նա։
«Վլադիմիր Պուտինը խորհրդակցության մասնակիցներին տեղեկացրել է Լեռնային Ղարաբաղի վերաբերյալ Ռուսաստանի, ԱՄՆ-ի եւ Ֆրանսիայի նախագահների պատրաստվող համատեղ հայտարարության մասին»,- հայտնել է Կրեմլի ներկայացուցիչը։
Քննարկվել է նաեւ Ռուսաստանին հարեւան պետությունների հետ աշխատանքը, ինչը, երկրի նախագահի խոսքով, «ՌԴ արտաքին քաղաքականության առաջնահերթություններից մեկն է»։ Այս համատեքստում ՌԴ ԱԽ անդամները լսել են Կրեմլի աշխատակազմի ղեկավարի տեղակալ Դմիտրի Կոզակի զեկույցը։ Խոսակցություն է ծավալվել նաեւ ընթացիկ սոցիալ-տնտեսական օրակարգի շուրջ։
Խորհրդակցությանը մասնակցել են ՌԴ վարչապետ Միխայիլ Միշուստինը, Դաշնային խորհրդի խոսնակ Վալենտինա Մատվիենկոն, ԱԽ ղեկավարի տեղակալ Դմիտրի Մեդվեդեւը, Կրեմլի աշխատակազմի ղեկավար Անտոն Վայնոն, ՌԴ ԱԽ քարտուղար Նիկոլայ Պատրուշեւը, ԱԳ եւ ՆԳ նախարարներ Սերգեյ Լավրովը եւ Վլադիմիր Կոլոկոլցեւը, ԱԴԾ տնօրեն Ալեքսանդր Բորտնիկովը եւ Արտաքին հետախուզության ծառայության ղեկավար Սերգեյ Նարիշկինը, ինչպես նաեւ ՌԴ նախագահի բնապահպանական գործունեության, էկոլոգիայի եւ տրանսպորտի հարցերով հատուկ ներկայացուցիչ Սերգեյ Իվանովը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո