Արարատ Միրզոյանի նման տաղանդավոր ԱԺ նախագահ երբեք չենք ունեցել

ԱԺ նախագահ Արարատ Միրզոյանը սեպտեմբերի 18–ին պարգևատրումների մասին որոշում է ստորագրել, որում ասվում է.

«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ եւ 22-րդ կետերով` կարգադրում եմ.

1. Ազգային ժողովի պատգամավորներին, աշխատակազմում պետական ծառայողներին եւ աշխատակազմի աշխատողներին խրախուսել միանվագ դրամական պարգեւատրմամբ ամսական պաշտոնային դրույքի 75%-ի չափով՝ համաձայն հավելվածի:

2. Ազգային ժողովի աշխատակազմի ղեկավար-գլխավոր քարտուղար Տ. ԳԱԼՍՏՅԱՆԻՆ` Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»։

Նշենք, որ Ազգային ժողովի նախագահի պարգևատրումն ըստ այդ կազմել է 892,890 դրամ, փոխնախագահներինը՝ 694,470 դրամ, պատգամավորներինը՝ 496,050 դրամ, ԱԺ նախագահի խորհրդականինը, օրինակ, 471,247 դրամ։

Այս որոշումը եւս մեկ անգամ վկայում է, որ Արարատ Միրզոյանը տաղանդավոր է եւ սիրում է իր ընտանիքը, հարգում պատգամավորներին եւ նրանց ընտանիքի անդամներին: Նման տաղանդավոր ԱԺ նախագահ մենք երբեք չենք ունեցել: Որեւէ մեկը նախկինում չէր գիտակցում, որ ինքն իրեն կարող է նման պարգեւավճարներ շնորհել, այն էլ այն պայմաններում, երբ ժողովրդի կենսամակարդակը կտրուկ անկում է ապրում:

Top-News.am