Արայիկ Հարությունյանը, ոչխարները, Ազգային ժողովի խայտառակությունը եւ մնացածը

Մեկ օրում այնքան իրադարձություն եղավ Հայաստանում սեպտեմբերի 16-ին, որ այլ երկրում կբավականացներ մեկ կամ նույնիսկ հինգ տարվա համար: Անդրադառնանք դրանցից ընդամենը մի քանիսին.

Արայիկ Հարությունյանի հոխորտանքը

ԿԳՄՍ նախարար Արայիկ Հարությունյանը, որն ամբողջովին տապալեց իր ղեկավարած ոլորտները, որը աչքը ընկավ ցինիզմով եւ լպիրշությամբ, որն այնքան բացասական դերակատարում ունեցավ գիտության, կրթության, սպորտի եւ մշակույթի ոլորտներում, որ ամոթից պետք է տնից մի հազար տարի դուրս չգա, եւ որը պարանով կապված առաջին դասարանցիների լուսանկարից հետո պետք է ճողոպրեր երկրից, այսօր հոխորտացել է, թե հրաժարականի պահանջով ինձ չվախեցնեք:

Գրաքննություն Ազգային ժողովում

Ազգային ժողովում «կոռումպացված եւ հանցագործ» իշխանությունների օրոք գունավոր խուխ անողներն այսօր նույն Ազգային ժողովում գրաքննություն են սահմանում: Նիստերի դահլիճի դռան մոտ կանգնեցնելով թմբլիկ ուժայինի, նրանք ներս չէին թողնում Լուսավոր Հայաստան խմբակցության անդամներին, քանի որ նրանք մտադիր էին նիստի ընթացքում փոքրից ցուցապաստառ պարզել: Պարզվում է, Ալեն Սիմոնյանն այնքան է «մեծացել», որ որոշել է օրենքները, սահմանադրությունը, ժողովրդավարական արժեքները եւս մեկ անգամ ոտնատակ տալով գրաքննություն սահմանել: Նա դեռ հրաժարական չի տվել: Նիկոլ Փաշինյանը նրա արարքը չի դատապարտել:

Նիկոլ Փաշինյանի ոչխարները

Նիկոլ Փաշինյանը հերթական վիճակագրական տվյալն է հրապարակել, այն ներկայացնելով որպես նվաճում: 

«2020 թվականի հունվար-հուլիս ամիսներին Հայաստանից կենդանի ոչխարի եւ այծի արտահանումը նախորդ տարվա նույն ժամանակահատվածի համեմատ աճել է 256 տոկոսով. արտահանվել է շուրջ 41 հազար գլուխ մանր եղջերավոր կենդանի, ընդհանուր առմամբ շուրջ 3.4 միլիոն դոլարի: Այս աճը ուղիղ արդյունք է կառավարության ձեռնարկած մի շարք քայլերի եւ մանր եղջերավոր անասունների արտահանումը օգուտներ է բերում բազմաթիվ տնտեսվարողների, ովքեր անսացել են «ոչխար պահելու» իմ հորդորներին»:

Ինչ-որ մեկը խաբում է Փաշինյանին: Նախ շատերին է հայտնի, որ ոչխարների արտահանումը տեղի է ունենում Դաղստանից, Ղազախստանից ոչխարներ գնելու եւ այն երրորդ երկրներին վաճառելու մեխանիզմով: Բացի այդ, արտահանումը երկրին որեւէ օգուտ չի կարող տալ: Օգուտ կարող է տալ, օրինակ, ոչխարի մսի, ոչխարի բրդի վաճառքը, որի մասին խոսք չկա:

Ինչ վերաբերում է ոչխար պահելուն, ապա լավ է, որ Փաշինյանի խորհուրդը հաշված թվով մարդիկ են լսել, քանի որ ոչխարապահության ծավալների աճի դեպքում բնությանը ծանր եւ անդառնալի վնաս կպատճառվի: Նիկոլ Փաշինյանի ընկերներից մեկը Իջեւանում մեծ քանակությամբ ոչխար է պահում, ինչի հետեւանքով խոշոր եղջերավոր անասունների զրկվում են կերից, իսկ հողն էլ էրեզիայի է ենթարկվում:

Անդադար բողոքի գործողությւոններ

Այսօր Արարատի մարզում խաղողագործները որպես բողոք միջպետական ճանապարհ էին փակում: Նրանք խաղողի մթերման հետ կապված լուրջ խնդրի առաջ են կանգնած: Նրանց չմոտեցան կառավարության ներկայացուցիչները, նրանց չմոտեցավ կոկորդիլոսաբույց Արարատի մարզպետը: Միայն տեղի ոստիկանապետն էր փորձում անել ամեն ինչ, որ իրավիճակը դուրս չգա վերահսկողությունից:

Կառավարության շենքի մոտ իրենց բողոքն են արտահայտում հագուստի առեւտրով զբաղվողները, որոնք պնդում են, որ նման մաքսատուրքերով իրենք այլեւս չեն կարող աշխատել: Կառավարությունը կրկին լռում է:

Վարդան Մխիթարյան

Top-News.am