Հայաստանի բյուջեի մսխումը շարունակվում է. կգնեն 150 ավտոմեքենա

Կառավարության այսօրվա՝ սեպտեմբերի 3-ի նիտում նախագիծ ընդունվեց, որը վերաբերում է պետական բյուջեում վերաբաշխում կատարելուն. նախագծով գումար է հատկացվում ոստիկանությանը նոր ձևավորվող պարեկային ծառայության համար 150 տրանսպորտային միջոց ձեռք բերելու համար:

Նախագիծը կառավարության նիստում ներկայացրել Ոստիկանապետ Վահե Ղազարյանը:

Արդարադատության նախարար Ռուստամ Բադասյանն իր հերթին խոսեց ծրագրի ընթացքի մասին՝ հայտարարելով, որ իրականացրել են դասախոսների մրցութային կարգով ընտրություն, հոկտեմբերից մեկնարկելու է 5-ամսյա դասընթացի փուլ. «Մեկ տեղի համար պայքարել է 3 անձ: Մեծամասնություն են կազմում քաղաքացիական անձինք: Դիմել են նաև ոստիկանության գործող ծառայողներ: Հիմա արդեն մեկնարկում է մրցույթը, ինչը թույլ կտա ընտրություն կատարել 770 հոգու համար, ովքեր 5-ամսյա դասընթացն անցնելուց հետո 2021 առաջին եռամսյակի ավարտին պատրաստ կլինեն Երևանում ծառայության: Դրանից հետո պարեկային ծառայությունը կտարածվի ամբողջ հանրապետության տարածքում: Ավտոմեքենաները կահավորված են լինելու ամենավերջին տեխնիկական հագեցվածությամբ: Բացի դրանից, պարեկային ծառայության հետ միասին գործարկվելու է օպերատիվ կառավարման կենտրոն: Պարեկային ծառայությունն ունենալու է նոր զենքի տեսակ, որը ձեռք է բերվելու աշնան ընթացքում, որպեսզի գործնական պարապունքների ընթացքում դրա կիրառման հմտությունները ձեռք բերվեն»:

Ոստիկանապետ Ղազարյանը հավելեց, որ ավտոմեքենաներից 10-ը Հայաստան կհասնեն նոյեմբերի 1-ին, իսկ 140 հատը կհասնեն դեկտեմբերի 20-ին: