Փաշինյանի հենասյունը՝ Իոանիսյան

Թույլիկ է այն կառավարությունը, որի հենասյունը, որի գաղափարախոսը, որի բարոյական հավաքական կերպարը Դանիել Իոանիսյանն է:

Իսկ նա ամենուր է: Նա սահմանադրություն է գրում, նա դիմակ է բաժանում, նա խառնվում է արտաքին քաղաքականությանը, կրթությանը, գիտությանը, իսկ հիմա հանձնարարություն է ստացել պատասխանել ՀՀ երկրորդ նախագահ Ռոբերտ Քոչարյանին եւ դարձել է դատավոր, որոշելով, թե ով պետք է նստի, իսկ ով մնա ազատության մեջ:

Որեւէ փաստարկված պատասխան չկարողանալով տալ Հայաստանի տնտեսությանը վերաբերող Ռոբերտ Քոչարյանի գնահատականներին, առաջարկներին, բերած փաստերին, վիճակագրությանը, կառավարող ուժը դիմում է էժանագին քայլերի, որը եւս մեկ անգամ բացահայտում է նրա իսկական էությունն ու մակարդակը:

Իոանիսյանի եւ նրա ընկերների պատկերացմամբ լավ առաջնորդն այն առաջնորդն է, որը տեղի, անտեղի լայվ է մտնում, բղավում, սպառնում ասֆալտին փռել, պատերին ծեփել, մարդկանց կյանքերը վտանգելով հանրահավաքներ է անում, հովակիմյանվահագներին դրդում հակաօրինական եւ հակապետական գործողությունների, դանիելիոանիսյաններին խցկում կառավարման գրեթե բոլոր ոլորտներ, իսկ կարեւոր հարցերը հրապարակայնորեն քննարկում չորսամյա դստեր հետ:

Չէ, Դանիել Իոանիսյան, շատ շուտով դու եւ քո թիմակիցները ճանապարհին հանդիպելու եք մի հաստ փայտի եւ նստելու եք երկար ու խորը: Քիչ մնաց:

Հակոբ Ասատրյան

Top-News.am