Ապրիլյան պատերազմում մեր հերոսական զինվորներն իրենց հրամանատարների գլխավորությամբ արել են ամեն ինչ, որ մենք հակահարված տանք ու հաղթենք
Ապրիլյան պատերազմում միանշանակ մենք հաղթել ենք` շնորհիվ մեր մարտունակ բանակի, դիրքապահ զինվորների ու սպաների: Այս մասին Tert.am-ի հետ զրույցում ասաց Արցախի Հանրապետության պաշտպանության բանակի հրամանատարի նախկին տեղակալ, գեներալ-մայոր Վարդան Բալայանը՝ անդրադառնալով քննարկումներին, հայտարարություններին, թե Ապրիլյան պատերազմում չենք հաղթել, կորուստներ ենք ունեցել: Գեներալ-մայորն ասաց, որ ապրիլյան մարատական գործողությունների վերաբերյալ ԱՀ անվտանգության խորհրդի քարտուղար Սամվել Բաբայանի և ՀՀ ԱԺ ապրիլյան պատերազմի հանգամանքներն ուսումնասիրող հանձնաժողովի նախագահ Անդրանիկ Քոչարյանի հայտարարություններին ծանոթ չէ:
«Ես լրատվամիջոցներին չեմ հետևում, չգիտեմ, բայց եթե հաղթանակից զատ որևէ մեկը մի բան է ասում, անընդունելի է: Իմ կարծիքով՝ մեր հերոսական զինվորներն իրենց հրամանատարների գլխավորությամբ արել են ամեն ինչ, որ մենք հակահարված տանք, հաղթենք: Ադրբեջանը բոլոր պայմանները փորձել էր ստեղծել, որ պատերազմը լայնամասշտաբ դառնար, բայց քանի որ առաջնային խնդիրները չեն կատարվել, հակառակորդը կանգնեցվել է», -մանրամասնեց Վարդան Բալայանը:
Նրա խոսքով՝ Ապրիլյան պատերազմից հետո մի շարք խնդիրներ են լուծվել:
Ինչ վերաբերում է հարցին` արդյոք հակահարձակման վերաբերյալ ստորին և միջին օղակի հրամանատարության բոլոր նախաձեռնությունները իշխանությունների կողմից կասեցվել են, թե ոչ, Վարդան Բալայանն ասաց, որ ռազմական գործիչն արդեն իր տեսակետը հայտնել է:
«Ես քաղաքականությամբ չեմ զբաղվում, չեմ ուզում նմանատիպ հայտարարությունները մեկնաբանել: Կրկնում եմ ՝ հաղթանակը շոշափելի է: Բանակը միշտ էլ իր առջև դրված խնդիրները կատարել է»,-ասաց նա:
Գեներալ-մայորը չպատասխանեց նաև հարցին` արդյոք եղե՞լ են այնպիսի խնդիրներ, որոնք քննիչ հանձնաժողովի զեկույցի հրապարակումից հետո կարող են քրեական գործ հարուցելու հիմք դառնալ:
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո