Չկարողանալով ամբողջական վերահսկողություն սահմանել ՍԴ-ի վրա՝ իշխանությունն ընտրել է այն վերացնելու ճանապարհը
Դատարաննները միավորելով՝ իշխանությունները նպատակ ունեն դրանց կազմերն ամբողջովին փոխել, որ այնտեղ հայտնվեն նրանք, ովքեր հլու-հնազանդ կկատարեն քաղաքական իշխանությունների քմահաճույքները: Այս մասին Tert.am-ի հետ զրույցում ասաց «Ընդդեմ իրավական կամայականությունների» ՀԿ գործադիր տնօրեն, ՀՀ մարդու իրավունքների առաջին պաշտպան Լարիսա Ալավերդյանը՝ անդրադառնալով Սահմանադրական բարեփոխումների հանձնաժողովի՝ բարեփոխումների հայեցակարգի նախնական տարբերակին, որով առաջարկվում է մեկ ատյանում միավորել Սահմանադրական և Վճռաբեկ դատարանները: Այն, հավանաբար, կկոչվի «Գերագույն»:
«Այս գործընթացը որևէ աղերս չունի իրական խնդիրների հետ, որոնք ՀՀ-ում, մասնավորապես՝ դատական իշխանությունում գոյություն ունեն: Երկու կայացած հաստատությունները մեկով փոխարինելուն հիմնավորում չկա, նաև՝ կան շատ մեծ ռիսկեր»,-նշեց նա՝ հավելելով, թե ռիսկեր կան նաև հասարակության համար, քանի որ վերջինս հընթացս կարողացավ տեղեկանալ՝ որ դատարանի դերակատարումն ինչումն է:
Ըստ Ալավերդյանի՝ ակնհայտ միտում կա ՀՀ-ի դատական իշխանության եվրոպական մոդելը փոխել ամերիկյանի: «ԱՄՆ-ում Գերագույն դատարանն է, որ իրականացնում է Սահմանադրության վերահսկումն ու փոփոխությունները: Ես դրան դեմ եմ, որովհետև նախևառաջ մեզ ավելի հոգեհարազատ են եվրոպական մոդելները. դրանք բազմաթիվ են, և կարող ենք այդ մոդելներից ընտրել մեր երկրին համապատասխանը՝ ստեղծելով սեփականը. հաշվի առնենք նաև, որ եվրոպական պետություններն ու ժողովուրդներն ունեն այդ մոդելներով անցած ճանապարհ»,-ասաց նա:
Վերջինիս դիտարկմամբ՝ Սահմանադրական դատարանը Սահմանադրության մեջ մի առանձին գլխով պետք է ներկայացվի՝ հստակեցնելով, որ ՍԴ-ի դատավարության ու մյուս երեք ատյանների դատարանների միջև խորքային տարբերություն կա:
«Կարծում եմ՝ այստեղ իշխանությունների այն անհագ մարմաջն է՝ ոչնչացնելու չսիրած մարմինը՝ ՍԴ-ն: Եթե չստացվեց ամբողջական վերահսկողություն սահմանել, ապա «կարելի է» ուղղակի վերացնել: Դա իրավաբանական գործ չէ, ամոթալի է և անթույլատրելի: Իշխանությունների տրամաբանությունը հետևյալն է՝ «աչքն էլ, աչքացավն» էլ կվերանան: ՍԴ-ն մասնագիտական շրջանակներում հայտնի է ակադեմիական և իրավաբանական առումով որպես բարձր որակ ունեցող մարմին:
Իշխանությունները ՍԴ անդամների դեմ մի բան ունեն՝ վերջիններս աշխատել են նախկին իշխանությունների օրոք: Փոփոխություններն առաջարկողներն էլ են այդ ժամանակ ապրել, աշխատել. չապրեի՞ն»,-ասաց իրավապաշտպանը, ապա շարունակեց.
«Ես ակնկալում եմ, որ իրավաբանական հանրությունը ոչ միայն կարծիքներ կհայտնի, այլև կգտնի մեթոդ՝ այդ քայքայիչ գործողությւոնը կանգնեցնելու համար»,-ասաց Լարիսա Ալավերդյանը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում